Башҡортостан Республикаһы Башлығы

Башҡортостан Республикаһы Президенты, 2015 йылдың 1 ғинуарынан Башҡортостан Республикаһы Башлығы — Башҡортостан Республикаһының иң юғары вазифалы кешеһе.

Башҡортостан Республикаһы Башлығы
Башҡортостан Республикаһы Башлығының штандарты
Вазифаны биләй Радий Хәбиров 2019 йылдың 19 сентябренән
Вазифала	Башҡортостан
Рәсми резиденцияһы	Республика йорто
Вәкәләт мөҙҙәте	5 йыл
Вазифа булдырыла	1993 йыл
Вазифала беренсе	Мортаза Рәхимов
Сайт	http://glavarb.ru/rus/

Башҡортостан Республикаһы Башлығы Рәсәй Президенты, Рәсәй Федерацияһы Федераль Йыйылышының Федерация Советы һәм Дәүләт Думаһы, Рәсәй Хөкүмәте, башҡа федераль дәүләт власы органдары, Рәсәй Федерацияһы субъекттарының дәүләт власы органдары, Башҡортостан Республикаһының дәүләт власы органдары, урындағы үҙидара органдары, йәмәғәт берләшмәләре, башҡа ойошмалар һәм вазифалы кешеләр менән мөнәсәбәттәрҙә, шул иҫәптән халыҡ-ара һәм тышҡы иҡтисади бәйләнештәр алып барғанда, Башҡортостан Республикаһы исеменән сығыш яһай.

Башҡортостан Республикаһы Башлығы бер үк вакытта Башҡортостан Республикаһы Хөкүмәте етәксеһе лә булырға мөмкин^[1][2].

Башҡортостан Башлығы коммерция һәм коммерцияға ҡарамаған ойошмалар менән идара итә аласаҡ^[3].

Президент ҡарамағындағы ойошмалар, консультатив һәм кәңәш органдары

• Йәмәғәт контроле буйынса совет
• Башҡортостан Республикаһы Президентының Эштәр менән идаралығы
• Башҡортостан дәүләт хеҙмәте һәм идара итеү академияһы
• Республика Советы
• Президент Советы
• Урындағы үҙидара буйынса совет
• Башҡортостан Республикаһының коррупцияға ҡаршы комиссияһы
• Башҡортостан Республикаһының террорсылыҡҡа ҡаршы комиссияһы
• Башҡортостан Республикаһының наркотиктарға ҡаршы комиссияһы

Башҡортостан Республикаһы Президенттары

• Рәхимов Мортаҙа Ғөбәйҙулла улы — Башҡортостан Республикаһының беренсе Президенты, 1993 йылдың 12 декабренән 2010 йылдың 15 июленә тиклем.
• Хәмитов Рөстәм Зәки улы — Башҡортостан Республикаһының икенсе Президенты, 2010 йылдың 19 июленән 2015 йылдың 1 ғинуарына тиклем.

Башҡортостан Республикаһы Башлыҡтары

• Хәмитов Рөстәм Зәки улы — Башҡортостан Республикаһының беренсе Башлығы, 2015 йылдың 1 ғинуарынан.