Колорадо (йылға)

Колора́до (ингл. Colorado River, исп. Río Colorado) — АҠШ-тың көньяҡ-көнбайышындағы һәм Мексиканың төньяҡ-көнбайышындағы ҙур йылға.

Был терминдың башҡа мәғәнәләре лә бар, ҡарағыҙ: Колорадо (мәғәнәләр).

Колорадо
ингл. Colorado River
Колорадо йылғаһы бассейны
Характеристика
Оҙонлоғо	2334 км
Бассейн	637 137 км²
Һыу сығымы	640 м³/с
Һыу ағымы
Инеше
· Урынлашыуы	Ла-Пудр үткәүеле, Ҡаялы тауҙар
· Бейеклеге	3104 м
· Координаталар	40°28′20″ с. ш. 105°49′34″ з. д.HGЯO
Тамағы	Калифорния ҡултығы
· Бейеклеге	0 м
· Координаталар	31°48′56″ с. ш. 114°48′15″ з. д.HGЯO
Урынлашыуы
Һыу бассейны	Тымыҡ океан
Ил	АҠШ
— инеше, — тамағы
Колорадо Викимилектә

География

Оҙонлоғо — 2334 км. Бассейн майҙаны — 637 137 км².

АҠШ-тың Колорадо штатында, Ҡаялы тауҙарҙа башлана һәм башлыса көньяҡ-көнбайыш йүнәлешендә аға. Йылғала Аризона һәм Невада штаттарының сигендә урынлашҡан Мид һыуһаҡлағысынан һуң, йүнәлешен ҡырҡа көньяҡҡа табан үҙгәртә. Артабан Мексика сиген үтеп Колорадо йылғаһы киң дельта барлыҡҡа килтерепе Тымыҡ океандың Калифорния ҡултығына ҡоя. Әммә һуңғы 20 йыл эсендә йылға һыуҙары тик биш мәртәбә генә — көслө һыу ташҡындары осорондпа ғына — Калифорния ҡултығына барып еткән. 1998 йылғы һыу ташҡыны ваҡытында Колорадо һуңғы тапҡыр үҙ һыуҙарын диңгеҙгә ҡоя^[1].

Үҙенең тәрән каньондары менән билдәле булған Колорадо йылғаһы шулай уҡ АҠШ-тың киң көньяҡ-көнбайыш территорияһында ауыл хужалығы һәм ҡалалар халҡы мохтажлығы өсөн үтә кәрәкле һыу сығанағы булып тора. Йылға һәм уның ҡушылдыҡтарының ағымы кеше тарафынан ҡоролған бихисап быуалар, һыуһаҡлағыстар һәм деривацион каналдар ярҙамында контролдә тотола^[2]. Йылға электроэнергия етештереү өсөн әүҙем файҙаланыла^[3][4][5].