Печора

Печо́ра (коми Печӧра, нен. Санэро’’ яха) — Рәсәйҙең Коми Республикаһы һәм Ненец автономиялы округындағы йылға.

Печора
Характеристика
Оҙонлоғо	1809 км
Бассейн	322 000 км²
Һыу сығымы	4100 м³/с (тамағында)
Һыу ағымы
Инеше	Төньяҡ Урал
· Бейеклеге	630 м
· Координаталар	62°12′06″ с. ш. 59°25′55″ в. д.HGЯO
Тамағы	Печора ҡултығы
· Бейеклеге	0 м
· Координаталар	68°18′27″ с. ш. 54°25′00″ в. д.HGЯO
Йылға ауышлығы	0,34 м/км
Урынлашыуы
Һыу бассейны	Баренц диңгеҙе
Ил	Рәсәй Федерацияһы
Регион	Коми Республикаһы, Ненец автономиялы округы
РДҺР	03050100112103000057306
инеше тамағы
Печора Викимилектә

География

Печора бассейны

Оҙонлоғо — 1809 км, бассейн майҙаны — 322 мең км². Төньяҡ Уралда, Коми Республикаһының көньяҡ-көнсығыш өлөшөндә башлана һәм башта башлыса көньяҡ-көнбайышҡа табан аға. Якша ҡасабаһы янында (Волостница ҡушылдығы ҡойғандан һуң) төньяҡҡа борола һәм Печора уйһыулығы буйлап Усть-Усаға тиклем аға. Артабан көнбайышҡа борола, ә Усть-Цильма тирәһендә (Пижма һәм Цильма ҡушылдыҡтары ҡойғандан һуң) Печора йәнә төньяҡҡа табан йүнәлә.

Тамағынан яҡынса 130 км алыҫлыҡта ике тармаҡҡа бүленә — көнсығыш (Оло Печора) һәм көнбайыш (Кесе Печора). Нарьян-Мар тирәһендә киңлеге яҡынса 45 км булған дельта барлыҡҡа килтереп Баренц диңгеҙенең Печора ҡултығына ҡоя.

Төп ҡушылдыҡтары — Унья, Төньяҡ Мылва, Велью, Лемью, Кожва], Лыжа, Ижма, Нерица, Пижма, Цильма, Сула, Боровая (барыһы ла һул); Илыч, Подчерье, Щугор, Уса, Лая, Ёрса, Созьва, Шапкина, Куя (барыһы ла уң).

1981—1993 йй. Оксино ауылы тирәһендә (тамағынан 141 км алыҫлыҡта) йылғала уртаса айлыҡ һыу сығымы (м³/с)^[1]

Печора буйындағы төп пристандәр — Нарьян-Мар, Усть-Цильма, Печора.

Троицко-Печорск ауылына тиклем даими рәүештә суднолар йөрөй ала (яҙын һәм көҙөн — Усть-Уньяға тиклем). Диңгеҙ караптары Нарьян-Марға тиклем (тамағынан 110 км юғарыраҡ) күтәрелә ала.

Йылғала балыҡ тотоу үҫешкән. Печора бассейнында таш күмер, нефть һәм тәбиғи газ ятҡылыҡтары бар.

Топографик карталар

• Карта бите P-40-XV,XVI Комосмольск-на-Печоре. Масштаб: 1 : 200 000. Указать дату выпуска/состояния местности.
• Лист карты P-40-69,70 Большая Шайтановка. Масштаб: 1 : 100 000. Издание 1968 г.
• Лист карты P-40-71,72 Печорский Заповедник. Масштаб: 1 : 100 000. Указать дату выпуска/состояния местности.