Разин Андрей Владимирович

Разин Андрей Владимирович (23 октябрь 1973 йыл) — Рәсәй хоккейсыһы һәм тренеры. Рәсәйҙең атҡаҙанған спорт мастеры. Үҙәк һөжүмсе позицияһында уйнаны, әлеге ваҡытта Континенталь хоккей лигаһындағы «Северсталь» хоккей клубының баш тренеры.

Андрей Владимирович Разин
Позиция	Үҙәк һөжүмсе
Буйы	180 см
Ауырлығы	86 кг
Ҡулсыр	һул
Гражданлығы	Рәсәй
Тыуған көнө	23 октябрь 1973({{padleft:1973|4|0}}-{{padleft:10|2|0}}-{{padleft:23|2|0}}) (51 йәш) Тольятти, РСФСР, СССР
МХЛ драфты	2001 йылда «Филадельфия Флайерз» клубы 177-се һан аҫтында 6-сы раундта һайлай
Хоккейсы карьераһы
1991—1993 ЦСК ВВС-Маяк 1992—1994 Лада 1994—1996 Металлург Мг 1996—1997 ЦСК ВВС 1997—2001 Металлург Мг 2001—2003 Динамо Мск 2003—2004 ЦСКА 2004 Авангард 2004—2005 Металлург Мг 2005 ХК МВД 2007 Химик
Тренер карьераһы
2012—2013 Кристалл Һарытау 2013—2015 Ижсталь Ижевск 2015—2016 Автомобилист 2016—2017 Югра 2017—2018 Адмирал 2018—ә.в. Северсталь
Халыҡ-ара миҙалдары
Донъя чемпионаттары Көмөш Швеция 2002
Дәүләт наградалары

Биографияһы

Андре́й Влади́мир улы Ра́зин 1973 йылдың 23 октябрендә Тольятти ҡалаһында тыуған.

Хоккей менән 5 йәштән шөғөлләнә башлай. Тәүге тренеры — Александр Коновалов. Һамар ҡалаһындағы «ЦСК ВВС-Маяк» хоккей клубы өсөн сығыш яһай, 1992 йылдан Тольятти ҡалаһының «Лады» хоккей клубының төп составына саҡырыла башлай. 1994 йылда, Милләт-ара хоккей лигаһының чемпионатында һәм кубогында еңгән "Лада"ның чемпион миҙгеленән һуң, магнитогорскиҙың «Металлург» хоккей клубына күсә. 1996 йылда "Металлург"тың төп составында уйнмағанға күрә Һамар ҡалаһының ЦСК ВВС клубына күсә. Әммә бер йылдан уҡ кире Магнитогорскка ҡайта. Шунда ул ваҡыт үтеү менән Рәсәй һәм хоккей евролигаһы чемпиондары кубогын һәм чемпиондар исемен яулап, команданың мөһим уйынсыларҙың береһенә әйләнә(2000 йылда финал уйынында Разиндың дубле «Металлург» командаһына Евролигала икенсе чемпионлыҡты һәм Европа суперкубогы яулаусылары исемен килтерә^[1]).

2000 йылда Карьяла кубогында Рәсәй йыйылма командаһында тәүге тапҡыр уйнай. 2001 йылда донъя чемпионатында ҡатнаша. Шунда «Металлург» буйынса партнёрҙары Рәүил Гусманов һәм Александр Гольц менән бер звенола уйнап, ул 7 уйында 7 (3+4) мәрәй йыя.

2001 йылда мәскәүҙең «Динамо» хоккей клубына күсә^[2]. 2002 йылда донъя чемпионатына әҙерләнгән ваҡытта йәрәхәтләнә, әммә йыйылма команданың составына инә һәм турнирҙа бер уйында уйнамайынса команда менән бергә донъя чемпионатының көмөш миҙалсыһы була^[3].

2003 йылда ЦСКА-ға күсә, аҙаҡтан «Авангард», шунан тағы ла магнитогорскиҙың «Металлург», Тверь ҡалаһындағы МВД хоккей клубтарында уйнай. 2007 йылдың февраль айында Юғары лигала уйнаған «Химик» хоккей клубына ҡушыла. 2006/07 йылдар миҙгеле тамамланыуы менән уйынсы карьераһын ҡалдыра.

Статистика

Легенда
У	Үткәргән уйындар һаны	Штр	Штраф ваҡыты	+/−	Плюс-минус
Г	Голдар	П	Һөҙөмтәле пастар	М	Мәрәйҙәр
-	Статистика билдәле түгел	—	Статистика һаналмай

				Даими миҙгел						Плей-офф
Миҙгел	Команда	Лига		У	Г	П	М	Штр		У	Г	П	М	Штр
1990-91	Маяк	Икенсе		2	0	2	2	0		—	—	—	—	—
1991-92	Маяк	Икенсе		42	15	16	31	26		—	—	—	—	—
1991-92	Лада	БДБ		7	0	0	0	2		—	—	—	—	—
1992-93	ЦСК ВВС-Маяк	Юғары		29	8	7	15	12		—	—	—	—	—
1992-93	Лада	МХЛ		15	1	2	3	0		1	0	0	0	0
1993-94	Лада	МХЛ		15	1	1	2	8		5	0	1	1	4
1994-95	Металлург Мг	МХЛ		49	11	14	25	12		7	3	2	5	16
1995-96	Металлург Мг	МХЛ		40	6	11	17	28		4	0	0	0	2
1996-97	ЦСК ВВС	РСЛ		32	7	8	15	12		2	0	1	1	2
1997-98	Металлург Мг	РСЛ		46	6	33	39	12		10	3	5	8	4
1998-99	Металлург Мг	РСЛ		39	7	25	32	14		16	4	3	7	6
1999-00	Металлург Мг	РСЛ		27	11	9	20	8		12	3	2	5	4
2000-01	Металлург Мг	РСЛ		44	16	31	47	80		12	7	6	13	20
2001-02	Динамо Мск	РСЛ		51	11	32	43	96		3	2	2	4	0
2002-03	Динамо Мск	РСЛ		40	9	28	37	55		5	1	3	4	24
2003-04	ЦСКА	РСЛ		57	10	43	53	70		—	—	—	—	—
2004-05	Авангард	РСЛ		20	2	5	7	10		—	—	—	—	—
2004-05	Металлург Мг	РСЛ		32	5	9	14	18		5	1	2	3	14
2005-06	ХК МВД	РСЛ		4	0	2	2	0		—	—	—	—	—
2006-07	Химик	Юғары		3	2	1	3	0		12	5	11	16	2
Бөтәһе СНГ, МХЛ һәм Суперлигала				518	103	253	356	425		82	24	27	51	96

Бүләктәре һәм ҡаҙаныштары

• Донъя чемпионатының көмөш миҙалсыһы (2002).
• Хоккей буйынса Евролига чемпионы (1999, 2000).
• Европа суперкубогы яулаусыһы (2000).
• Рәсәй чемпионы (1999, 2001).
• Милләт-ара хоккей лигаһының кубогы яулаусыһы һәм чемпионы (1994).
• Рәсәй чемпионатының көмөш миҙалсыһы (1998).
• Милләт-ара хоккей лигаһының (1995) һәм Рәсәй (2000) чемпионы.
• Рәсәй кубогы яулаусыһы (1998).
• Рәсәй чемпионатының иң күп мәрәй йыйған уйынсы (2001).
• «Алтын сәкән» призының хужаһы (Рәсәй чемпионатының иң ҡиммәтле уйынсыһы) (2001).
• «Алтын шлем» призының хужаһы (2001, 2002).
• Суперлига бөтә йондоҙҙары уйындарында ҡатнаша (2001, 2002, 2003).

Тренер карьераһы

Хоккейсы карьераһын тамамлағас балалар һәм юниорҙар командаларының тренеры һәм хоккей агенты булып эшләй^[3]. 2012 йылдың 8 ноябренән 2012/13 йылдар миҙгеленең аҙағына тиклем Юғары хоккей лигаһында ҡатнашҡан «Кристалл» командаһын етәкләй. 2013 йылдың 4 декабрендә Ижевск ҡалыһының «Ижсталь» хоккей клубының баш тренеры була^[4].

2015 йылдың 2 апрелендә Братина кубогы ярымфиналының өсөнсө уйынында икенсе период барышында Разин Тверь хоккей клубының баш тренеры менән Алексей Ждахин менән һуғыша. Ике тренерҙы ла уйын аҙағына тиклем боҙҙан ҡыуалар^[5][6]. Аҙаҡтан ике тренерға өс уйын дауамында булған дисквалификация һалалар. Шуның өсөн Разин «Торосҡа» ҡаршы финалдың ике тәүге уйынын үткәрә. Разиндың командаһы 2:4 иҫәбе менән финалда еңелә.

Андрей Разин^[7] 2015 йылдың апрелендә, юғары хоккей лигаһында миҙгел тамамланғас, Континенталь хоккей лигаһында сығыш яһаған «Автомобилист» хоккей клубына эшләргә күсә^[8]. Команда менән Разин конференцияла етенсе урында урынлашалар. Плей-офф уйындарының тәүге раундында «Автомобилист» алты уйында магнитогорскиҙың «Металлург» хоккей клубына отола.

Яңы миҙгелдә «Автомобилист» үҙенең уйынын таба алмай йонсой. Баш тренер, уйынсылар һәм клуб етәкселеге араһында бик һорауҙар тыуа. Шунан Ҡазандан «Аҡ Барс» хоккей клубына 5:0 иҫәбе менән отолғас, 31 октябрҙә Разин вазифаһынан бушатылды^[9]. Андрей үҙе был турала ҡыуанысын белдерҙе^[10]. 2016 йылдың 10 декабрендә Андрей Разин Ханты-Мансиҙан «Югра» хоккей клубында Андрей Соколовты алмаштыра.

2017 йылдың 11 май көнөндә Андрей Разин Словакия чемпионатындағы «Попрад» хоккей клубының тренер-консультант вазифаһын башҡара башлай^[11]. 2017 йылдың 28 декабрендә Андрей Разин Владивостоктан «Адмирал» хоккей клубының баш тренеры итеп 2019/2020 йылдар миҙгеле тамамланғасыға тиклем контракт төҙөй^[12]. Әммә 14 ғинуарҙа, «Адмирал» баш тренеры булараҡ биш уйындан һуң, Андрей Разин команданан контракт буйынса гарантиялар бирелмәгәнгә китә^[13].

2018 йылдың 28 ноябрендә Андрей Разин Череповецк ҡалаһынан «Северсталь» хоккей клубы менән миҙгел аҙағына тиклем контракт төҙөй^[14]. Яңы тренер килгәндә команда Көнбайыш конференцияһында һуңғы урында була. Разин етәкселегендә «Северсталь» КХЛ даими чемпионатында рәттән 7 осрашыуҙа еңеү яулай — был команданың КХЛ тарихында яңы рекорды^[15]. Череповец командаһы Андрей Разин менән ике урынға күтәрелә һәм бик матур уйындар күрһәтә. 2019 йылдың 9 апрелендә тренер клуб менән бер йылға яңы килешеү төҙөйҙәр^[16]. Разинға 2019/2020 йылдар миҙгелендә Евгений Михалкевич, Андрей Карпин һәм Александр Гольц ярҙам итә, тип иғлан ителә^[17].

Статистика (баш тренер)

Һуңғы яңыртыу: 2019 йылдың 23 июлендә

Команда	Турнир-миҙгел	Даими миҙгел								Плей-офф
		У	Еңеү	ӨВ/БС еңеү	ӨВ/БС еңелеү	Еңелеү	М	%	Һөҙөмтә	У	Еңеү	Еңелеү	Һөҙөмтә
Кристалл	ЮХЛ 2012-13	32	13	3	4	12	49	51.0%	Лигала 21-се	үтә алманылар
Ижсталь	ЮХЛ 2013-14	24	6	4	7	7	33	45.8%	Лигала 19-сы	үтә алманылар
	ЮХЛ 2014-15	52	26	6	5	15	95	61.5%	Лигала 2-се	17	14	6	Финал
Автомобилист	КХЛ 2015-2016	60	21	9	11	19	92	51.1%	Лигала 14-се	6	2	4	Конференция сирекфиналы
	КХЛ 2016-2017	27	11	4	2	14	31	38.2%	Лигала 25-се	Команданан китә
Югра		20	6	1	4	9	24	40%	Лигала 25-се	үтә алманылар
Адмирал	КХЛ 2017-2018	5	3	0	1	1	10	66.7%	Лигала 21-се	Команданан китә
Северсталь	КХЛ 2018-2019	29	9	6	1	13	31	53.5%	Лигала 22-се	үтә алманылар
	КХЛ 2019-2020

Шәхси тормошо

Андрей Разиндың Татьяна исемле ҡатыны бар^[18].