Рельеф формаһы

Рельеф формалары — ер өҫтө, океан һәм диңгеҙҙәр төбө тигеҙһеҙлектәре; Төрлө ҡалҡыу, түбән урындары булған ер өҫтө, диңгеҙ, океан төбө^[1].

Рельеф формаһы. Сальта (Аргентина)

A Боҙлоҡ дәүеренән ҡалған тотороҡһоҙ рельеф. Пуотервилль платоһы, Вашингтон.

Төп формалары

Тау — тигеҙ ерҙәр араһында айырылып торған бейеклек йәки ҡалҡыу урын, тау һыртындағы түбә.

Тау һырты — ике яҡлап битләүҙәре булған, оҙонға һуҙылған бейеклек.

Уба — һөҙәк битләүле һәм түбәһе йомро ҡалҡыулыҡ.

Үҙән — ер өҫтө үр яҡтан түбәнгә ауышайған буйға һуҙылған соҡор.

Һөҙәк соҡор (котловина) — рельефтың йомро һәм саҡ ҡына һуҙылған соҡоррло формаһы.

Йырын — оҙонға һуҙылған, йыш ҡына тармаҡланған кире рельеф формаһы. Йырындың битләүҙәре текә, арҡыры киҫелеше V формаһында була.

Классификация

ыРельеф формаһын түбендеге классификацияға бүлергә мөмкин:

• ҙурлығы буйынса (рельефтың планетар формаһы, рельефтың мегаформаһы, рельефтың макроформаһы, рельефтың мезоформыһы, рельефтың микроформыһы, рельефтың наноформыһы)^[2];
• килеп сығышы буйынса (тектоник, вулкан, эрозия, боҙлоҡ, карст, һ. б.);
• йәше буйынса;^[3]
• формаһы буйынса (ыңғай формалы рельеф, кире формалы рельефа)^[2].