Ҡәрипов Кәшфи

Кәшфи (Кәшфеласрар) Мәғҙәннур улы Ҡәрипов (1892 йыл, элекке Өфө губернаһы, Бөрө өйәҙе^[1] Байталлы ауылы — 1918 йыл, Бөрө ҡалаһы) — башҡорт шағиры һәм драматургы.

Кәшфи Ҡәрипов
Исеме:	Ҡәрипов Кәшфи Мәғҙәннур улы
Тыуған көнө:	1892({{padleft:1892|4|0}})
Тыуған урыны:	Өфө губернаһы Бөрө өйәҙе, Байталлы ауылы[1]
Вафат булған көнө:	1918({{padleft:1918|4|0}})
Вафат булған урыны:	Бөрө, Бөрө өйәҙе, Өфө губернаһы
Гражданлығы:	Рәсәй империяһы
Эшмәкәрлеге:	яҙыусы, шағир

Википедияла Ҡәрипов фамилиялы башҡа кешеләр тураһында мәҡәләләр бар.

Биографияһы

• Кәшфи Мәғҙәннур улы Ҡәрипов (псевдонимы — Кәшфи Ҡәрипов) 1892 йылда элекке Өфө губернаһы Бөрө өйәҙе (хәҙерге Башҡортостан Республикаһы Кушнаренко районы) Байталлы ауылында тыуған.
• 1915 йылда «Ғосмания» мәҙрәсәһен тамамлай.
• 1915 йылда шунда уҡытыусы итеп ҡалдырыла.
• «Тормош», «Алға» гәзиттәрендә эшләй.
• 1918 йылда Бөрө ҡалаһында вафат була.

Ижады

Кәшфи Ҡәрипов ижадында мөхәббәт һәм тәбиғәт лирикаһы төп урынды алып тора. («Һағынам», «Һөйәм», «Тәбиғәт», «Яҙ килә» шиғырҙары һ. б.). «Мөхәббәт шиғырҙары» (1914) китабының авторы. К. Ҡәрипов тарфынан Бөрө һәм Өфө театрҙарында ҡуйылған «Йософ-Зөләйха», «Таһир-Зөһрә» драмалары, шулай уҡ «Ҡарт әтәс» комедияһы (әҫәрҙәренең текстары һаҡланмаған) яҙылғанлығы билдәле.