С. М. Киров исемендәге Хәрби-медицина академияһы— Рәсәй хәрби ведомствоһы өсөн класлы чиндар һәм Рәсәй Федерацияһы Ҡораллы Көстәре медицина хеҙмәте хәрби хеҙмәткәрҙәре әҙерләүсе беренсе юғары медицина учреждениеһы. Академия Санкт-Петербург үҙәгендә XVIII быуатта Антонио делла Порта проекты буйынса юғары классицизм стилендә төҙөлгән һәм Джузеппе Бернаскониҙың матур панноһы менән биҙәлгән тарихи бинала урынлашҡан.