Fuþark

Futhark odar Fuþark nennd ma de gmoagermanische Runenreihe und de Variantn, de wo aus ia hervorganga san. De Runenreihn wean tradionej noch de easchdn sechs Runen - in dem Foi F-U-Þ-A-R-K - gnennd.

Der Artikl is im Dialekt Obaboarisch gschriem worn.

As ejtare Futhark

Aussprochn vo de Buchstobm

As ejtare Futhark

De easchte Runenreih wead ejtares Futhark ghoassn. De Reih hod 24 Zeichn dena jeweis a oanzlna Laut zuagordnet is. Des Futhark is bis uma 750 n. chr. vo oin germanischen Stämmen in da gleichn Foam vawend woan, deshoib nennd mas aa gmoagermanisches Futhark.

A Bsondaheit vom ejtan Futhark is, dass fia olle Laute vo de domolign germanischn Sprochn oan Buchstabm gibt. Des lateinische Alphabet hod koane Zeichn fia de Laute U, W und J (ma hod daher V=U, VV=W und I=J gschriem). Des Futhark hod de Laute kennt und hod a oan Buchstobm fia des „th“ (Þ), dea wo bis heit af Island und Faröer vawend wead.

Literatua

• Klaus Düwel: Futhark. In: Reallexikon der Germanischen Altertumskunde, Bd. 10 Heinrich Beck, Heiko Steuer, Dieter Timpe (Hrsg.). de Gruyter, Berlin – New York 1998. ISBN 3-11-015102-2
• Klaus Düwel: Runenkunde. 3. Auflage. Metzler, Stuttgart - Weimar 2001, ISBN 3-476-13072-X.
• Terje Spurkland: I begynnelsen var Runer. Cappelen, Oslo 2005 (2. Auflage)