Elektronenvolt

S' Elektronenvolt oda a richtiga as Elektronvolt is a Einheit zum ogem vo na Energie.

Der Artikl is im Dialekt Obaboarisch gschriem worn.

Einheit
Norm	Natürliche Einheiten
Nama vo dera Einheit	Elektronvolt
Zeichn vo dera Einheit	${\displaystyle \mathrm {eV} }$
Bschriebne Greaß(n)	Energie, Masse, thermodynamische Temperatur
Symbole fia de Greaßn	${\displaystyle E,\,Q,\,m,\,T}$
Dimensionsnama	Energie
Symbol vo dera Dimension	${\displaystyle E}$
In SI-Einheitn	${\displaystyle 1{,}602176462(63)\cdot 10^{-19}~\mathrm {J} }$
Hoaßt so nach	Elektron, Alessandro Volta
Is abgleit vo	natürliche Basiseinheit

Definition

S' is de Energie, de a elektrisch gladns Teilchen mit da Ladung vo oam Elektron (Elementarladung 1e) iaba Beschleinigung dazuakriagt, wenns in am elektrischn Feld an Spannungsuntaschied vo oam Volt durchlaffa hod.

Iaba de Definition lost se recht leicht ausrechna, wia groaß de Energie in Joule und domit in na Einheit aus'm SI-System is. Dafia bracht ma bloß fia de Elementarladung 1e deran Wert in Coulomb eisetzn:

${\displaystyle 1~\mathrm {eV} =1{,}602\cdot 10^{-19}~\mathrm {C\cdot V} =1{,}602\cdot 10^{-19}~\mathrm {A\cdot s\cdot V} }$

${\displaystyle =1{,}602\cdot 10^{-19}~\mathrm {W\cdot s} =1{,}602\cdot 10^{-19}~\mathrm {J} }$

oiso guid:

${\displaystyle 1~\mathrm {eV} =1{,}602176462(63)\cdot 10^{-19}~\mathrm {J} }$

Vawendung

Obwoi ma bstrebt is nua Einheitn aus'm SI-System zverwendn werd as Elektronvolt in vui Bereich gern heagnumma. Des liagt do dro daß fia vui Sacha "handlicha" is, weis ja fui kloana is ois oa Joule. Grod in da Atomphysik und da Teilchenphysik han so kloane Greaßn gfrogt.

S' gibt a vaschiedne dezimale Vielfache vo am Elektronenvolt, die gern heagnumma wern:

• keV (Kilo-Elektronenvolt)
• MeV (Mega-Elektronenvolt) (a Elektron hod a Ruheenergie vo umara 0,51 MeV)
• GeV (Giga-Elektronenvolt) (a Proton hod a Ruheenergie vo umara 0,94 GeV)
• TeV (Tera-Elektronenvolt)

Beispui

• A Photon vo am roadn Liacht hod so umara 2eV
• A Molekül in da Atmosphäre hod wega da Temparatur a Energie vo uma 0,03eV
• Aus oam oanzign Atom kenna durch Kernspaltung de Fetzn mit na kinetischn Energie vo insgesamt 200MeV wegfliang.