Gsetz

A Gsetz is a Zammafossung vo vabindlichn Rechtsvoaschriftn, de wo in oam festglegten Vafoan (Gesetzgebungsvafoan) vom zuaständign stootlichn Organ, dem Gsetzgeba, erlossn woan is.

Der Artikl is im Dialekt Obaboarisch gschriem worn.

Vo da Woatbedeitung moant Gsetz wos gsetzt is, wos festglegt is. A Gsetz is oiso im Woatsinn a Festlegung vo Regln. Deshoib ko ma sogn, dass a Gsetzgebungsvafoan a Rechtssetzung is, im Gegnsotz zua Rechtssprechung. Vom Verb 'setzen kimmt a da Begriff Satzung.

Gsetzgebung

S Gsetzgebungsvafoan in Demokratien untascheidt se nua a weng. Moastns wead in dena zuaständign Parlamentn a Gsetzesotrog eibrocht (Gsetzesinitiative), dea wo in Fochgremien ausgorbat und dann zua Obstimmung voaglegt wead. A Gsetz wead eascht dann rechtswiaksam, wann a festglegta Vafoansweg eighoidn wiad.

De Gsetzgebung is in oam Rechststoot in da Regl da Legislative voabhoidn. De Legislative ko oba de Exekutive ermächtign, untagordnete gsetzlich voaschriften, wia Rechtsvaordnunga und Satzunga, zum erlossn. In manchn Demokratian deaf in bstimmtn Fejn aa s Voik iwa a Gsetz obstimma (Voiksgsetzgebung).

Im Netz

• Bundesdeitsche Gsetze und Vaordnunga
• Bundesdeitsche Gsetzestexte vo A-Z
• Estareichische Gsetze und Vordnunga
• Schweizerische Gsetze und Vordnunga
• Wia entstengan Gsetze?

Obocht, do steht a wichtiga Hiweis zu Rechtsthemen!