Matt Stone

Matthew Richard „Matt“ Stone (* 26. Mai 1971 in Houston, Texas) is an US-amerikanischa Schauspuia, Drehbuachautor, Produzent und Regisseur.

Matt Stone, 2007

Ea is in Littleton (Colorado), anem Voaoat vo Denver, zur High School gangen. Späta hot ea an dea University of Colorado in Boulder Füm und Mathematik studiat. Doat hot ea Trey Parker kennanglearnt. Beide homn z' vü Zeit mit iam easchtn großn Füm, Cannibal! The Musical verbrocht, und homn deswegn kanen Collegeabschluss erlangt.

Im Joa 1996 hot ea zsammen mit Trey Parker di Band DVDA gründet, in dea ea an Schlogzeiger is. Zsammen mit den ondern Bandmitgliedan hot ea vüle Musikstücke anegspüt, di in iaren bekaunnten Weakn wie z. B. Orgazmo oda Hier kummt Bush vawendet wuan.

Owa eascht richtig berühmt wuade ea duich die preisgekrönte Fernsehserie South Park, di ea zsammen mit Trey Parker kreiert hot. Ea hot füa South Park drei Emmys gewonnen. Da Charakter Kyle basiert auf erm.

Matt hat in Zsammenoaweit mit Trey außerdem mehrare Spüfüme aussebracht: z. B. di Polit-Satire Team America: World Police, anem Marionettenfüm und di Fernsehserie That's my Bush! (Hier kommt Bush!).

Fümografie

• 2004: Team America: World Police (Autor, Sprecher Originalversion, Produzent, Regisseur)
• 2002: Bowling for Columbine (Darsteller)
• 2001: Hier kommt Bush! (Fernsehserie; Autor, Produzent, Darsteller)
• 1999: South Park: Der Film – größer, länger, ungeschnitten (Sprecher Originalversion, Autor, Regisseur)
• 1998: Die Sportskanonen (Darsteller)
• 1997 bis heit: South Park (Fernsehserie; Sprecher Originalversion, Autor, Produzent)
• 1997: Orgazmo (Darsteller, Autor, Produzent, Regisseur)
• 1996: Cannibal! The Musical (Autor, Produzent, Regisseur, Darsteller)
• 1996: The Spirit of Christmas (Autor, Produzent, Regisseur)
• 1995: Time Warped (Darsteller)

Im Netz

• Matt Stone in da Internet Movie Database