Oidgriachisch

Oidgriachisch (dt.: Altgriechisch, Sejbstbezeichnung: : ἣ Ἑλληνικὴ γλῶσσα; hē Hellēnikē glōssa; boar.: „de griachische Sproch“) is de antike Version vo da griachischn Sproch. Des is a indogermanische Sproch, wo haptsechli im Ostn van Middlmeeagebiet gredd worn is.

Oidgriachisch
Zeidraum	eppa 800 v. Kr.–300 v. Kr. (aa bis 600 n. Kr.)
Friaa gredd in	haptsechli im Ostn van Middlmeearaum
Linguistische Klassifikation	Indoeiropäisch Oidgriachisch
Sprochcodes
ISO 639-1:	–
ISO 639-2:	grc (historische griachische Sproch bis 1453)
ISO 639-3:	grc (historische griachische Sproch bis 1453)

Da Ofong vo da Odyssee, oans vo de ejdasdn oidgriachischn Afzeichnunga. Voitext af Wikisource

Unta "Oidgriachisch" wean vaschiedane Sprochversiona und Dialekte zammgfossd, wo voa oim zwischn da Eihfiahrung vo da griachischn Schrift (eppa 800 v. Kr.) bis zan Ofong vo da hellenistischn Era (eppa 300 v. Kr.) vawendd worn is. In da Literatua is s Oidgriachische owa bis zan End vo da Antike (uma 600 n. Kr.) gnuzd worn. Ois Quasi-Standard fia's Oidgriachische guid da attische Dialekt van 5. und 4. Joarhundad v. Kr., oisdonn de Sproch van Sophokles, Platon und Demosthenes. De Sprochstuaf zwischn eppa 600 und 1453 (Eaobarung vo Konstantinopel duach de Osmanen) wead ois Middlgriachisch oda Byzantischs Griachisch bezeichnd, oschliassnd redd ma van Neigriachisch, da Stootssproch van heiting Griachaland.

Im Netz

 Test-Wikipedia auf Oidgriachisch

• Marc Huys: Greek Grammar on the Web (umfongreiche Linksommlung za Grammatikbiacha, Kurse, Lexika u. a.) (engl.)
• Daniel Ackermann: ΝΙΚΗ – Ein Überlebenswortschatz für das Graecum
• Egon Gottwein: Oidgriachischs Online-Weatabuach griachisch – deitsch – griachisch
• Egon Gottwein: oidgriachischa Online-Sprochkuas in 100 Lekziona
• Griachische und lateinische Sprichweata