Ostfränkisch

Ostfränkisch wean in Bayern de ostfränkischn Dialekte gnennd.

Der Artikl is im Dialekt Obaboarisch gschriem worn.

Da ostfränkische Sprochraum

Ostfränkische Dialekte

As Linguasphere Register (Ausgob 1999/2000, Seitn 431, Zone 52-ACB-dj) fiaht unta'm Ostfränkischn 14 Dialekte af:

• Ansbachisch (Bayern: Ansbach-Rothenburg-Neustadt an der Aisch)
• Hohenlohisch (Bodn-Wiattmbeag: Crailsheim - Schwäbisch Hall - Gerabronn - Künzelsau - Öhringen)
• Mainfränkisch
  • Bambergisch (Bayern: Bamberg, Forchheim, Erlangen)
  • Grabfeldisch (Bayern: Bad Königshofen, Mellrichstadt; Thüringen: Römhild, Frankenheim; Hessn: Gersfeld, Hilders)
  • Hennebergisch (Thüringen: Schmalkalden, Meiningen, Zella-Mehlis, Suhl, Schleusingen)
  • Itzgründisch (Bayern: Coburg, Neustadt, Michelau; Thüringen: Sonneberg, Hildburghausen)
  • Untafränkisch (Bayern: Wiazburg-Schweinfurt)
  • Taubergründisch (Bayern: Euerhausen-Sonderhofen; Bodn-Wiattmbeag: Weikersheim-Bad Mergentheim-Tauberbischofsheim)
• Obafränggisch (Bayern: Bareid, Kulmbach, Kronach, Hof, Lichtenfels)
• Vogtländisch (Bayern: Töpen, Joditz; Sachsen: Plauen, Klingenthal; bis 1945 im Sudetnland: Asch)
• Voavogtländisch (Saggsn: Reichenbach, Rodewisch)

Foaschung

Da Woatschotz vo de ostfränkischn Dialekte wead im Ostfränkischen Wörterbuch eafosst und bschriem. Da Sprachatlas von Unterfranken, da Sprachatlas von Mittelfranken und da Sprachatlas von Nordostbayern eafossn de Sprocheadkunde vo de ostfränkischn Dialekte in Bayern. De ostfränkischn Dialekte af'n Gebiet vum Freistoot Thüringen san bzw. wean vo da Arbeitsstelle Thüringisches Wörterbuch bzw. vo da Nochfoigeeihrichtung da Arbeitsstelle Thüringische Dialektforschung in Jena wissnschoftli eafoaschd.^[1]