Haris Puoteris (personažos)

Haris Džėimsos Puoteris (onglėškā: Harry James Potter, gėmė 1980 m. lėipas 30 d.) - fiktīvos J. K. Rowling Hare Puotere knīngū serėjės personažos. Pagrindinis veikies. Haris Puoteris 2002 m. rėngtamė kuonkursė „100 geriausiū Literatūras personažū“ užiem 85 vėita.

Harė Puoterė persuonažos
Lītės	vīrėškis
Plaukū spalva	joudė
Akiū spalva	žalės
Kuoledžos	Grėfu Gūžta
Mokīkla	Hogvartsos
Krauja tėps	poskraujis
Luojaloms	Dumbldoro Kariauna; Hogvartsas; Fenikso Brolija
Aktuorios	Daniel Radcliffe
Pėrms pasėruodīms	Haris Puoteris ėr Ėšmėntėis kūlis

Hare Puotere knīngū ekranizacijuo tuo personaža vaidmėn atlėka onglū artists Daniel Radcliffe.

Unkstėsnis gīvenėms

Haris Puoteris gėmė 1980 m. lėipas 31 d. Lėles ė Džėimsa Puoteriū šeimuo. 1981 m. spalė 30 d. Hare tievā bova nožodītė Valduova Vuoldemuorta. Vuoldemuorts noriejė nožodītė ė Hari , no Lėles meilė atmošė burt ė pats Vuoldemuorts mėrė. Kėta dėina Albs Dumblduors atnešė ė palėka suviniuot Hari unt laiptieliū pri Dursliū (lėles sesers ė anuos vīra) numū durū. Pu dešimtėis metū, Rubiejos Hagrids atejė pasiimtė Hare ī Huogvartsa magėška muokīkla. Tėk toukart Haris sužėnuojė ka uns īr bortėninks.

Gīvenėms Huogvartsė

Vėsū knīngū veiksmos koncentrounas ī gīvenėma Huogvartsa burtū ė keriejėma muokīkluo. Čė Haris sosėrond do geriausius sava draugas - Ruoni Vīzli ė Hermiuon Ikīriele. Haris īr žėnomiausis vāks vėsamė magėškamė sviete, nes būtent anam pavīka ėvėiktė Valduova Vuoldemuorta.

Huogvartsa muokīkluo Haris pakliova ī elitėškiaus kuoledža - Grifū Gūžt. Uns īr šiuo kuoledža kvidėča kuomandas narīs. Dėdliausis Hare priešos muokīkluo īr Draks Smėržios iš Klastunīna kuoledža. Iš muokītuojū Hariou baiseusē nepatink Nuodū ė vaistū (vėliau apsigėnėma nu jouduoses magėjes) muokītuos Severs Snėips.