From Wikipedia, the free encyclopedia
Si Nikola Fichev (Bulgarian: Никола Фичев) (1800 Direnova, Imperyong Ottoman - 1881 Veliko Tarnovo, Prinsipalidad nin Bulgarya), bantog sa apod na Kolyo Ficheto (Bulgarian: Колю Фичето) o kan saiyang honoripikong Turkong pangaran Usta (Master) Kolyo Ficheto, sarong Bulgarong National Revival arkitekto, parapatugdok asin eskultor namundag sa Dryanovo (dati inaapod pang Direnova) kan 1800.
Nailo na mayong ama sa edad na tolo, a father at the age of three, si Kolyu Ficheto tinukdoan pagpanday kan mga batikano sa banwaan nin Trevne (ngonyan Tryavna) poon kan edad niya sampolo. Nakanood siyang pagmason sa banwaan nin Görice (ngonyan Korçë sa Albania) kan an edad niya 17, asin ta nagin siyang master sa pagtugdok nin mga simbahan, mga kampanaryo asin mga tulay sa mga panday nin Bratsigovo.
Si Kolyu Ficheto nagin parahornal sa edad na 23 asin ta nabistong batikanong panday kan builders' guild sa edad na 36. Siya tataong magtaram bako sana an lenggwahe niyang Bulgaro kundi pati na an an tataramon na Turko, saka Griyego asin man Romano alagad siya momong (daing adal), dai nakakabasa asin nakakasurat. Si Kolyu Ficheto nabantog kan saiyang ugaling naturog sa sirong kan tulay na saiyang ginibo sa pagpatunay na pusog asin mahusay pakagibo niya kan tulay.
Si Fichev nagadan sa Veliko Tarnovo, asin duman ilinubong, kan 1881.
Sa mga notable niyang mga trabaho iyo an mga minasunod: Tulay Byala (Беленски мост, Belenski most) sa Salog Yantra harani sa Byala (1865-1867), an Inatopan na Tulay sa Lovech sa may Osam (1872-1874), mga simbahan sa saiyang banwaan, asin yaon sa Svishtov (Simbahan nin Banal na Trinidad, 1867) asin an sa Veliko Tarnovo (1844), kun saen siya nagdesenyo nin mgakapirang mga harongs asin mga edipsyong pampubliko.
Ficheto Point sa Livingston Island sa South Shetland Islands, Antarctica ipigngaran sa pag'onra ki Kolyo Ficheto.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.