![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bd/Brian_Eno_Profile_Long_Now_Foundation_2006.jpg/640px-Brian_Eno_Profile_Long_Now_Foundation_2006.jpg&w=640&q=50)
Эмбіент
музычны жанр / From Wikipedia, the free encyclopedia
Э́мбіэнт (па-ангельску: ambient — «навакольны, ахінальны») — напрамак электроннае музыкі, які характарызуецца адыходам ад лінейна разгорнутай мэлёдыі, уласьцівай клясычным музычным жанрам, у бок вольнае кампазыцыі гукавых эфэктаў. Разгортваньне твору адбываецца праз апэраваньне фарбай гуку; іншым тыповым кампазыцыйным захадам ёсьць паўтор кароткага мэлядыйнага ўрыўка, які пры кожным прайграваньні мінімальна мадыфікуецца.
![Thumb image](http://upload.wikimedia.org/wikipedia/commons/thumb/b/bd/Brian_Eno_Profile_Long_Now_Foundation_2006.jpg/640px-Brian_Eno_Profile_Long_Now_Foundation_2006.jpg)
Эфэктам выкарыстаньня такіх тэхнік становіцца зрушэньне акцэнта з пасьлядоўнасьці гукаў на іх гучаньне. Такім чынам, музыка эмбіент становіцца статычнай й успрымаеца быццам бы па-за часам. У гэтым пляне яна вельмі часта выкарыстоўваецца для мэдытацыі.
Як музычны жанр, эмбіент улучае ў сябе элемэнты цэлага шэрагу розных стыляў: электроннае музыкі, нью-эйджа, нойза, сучаснае акадэмічнае музыкі, этнамузыкі й інш.