Ёрк (мыс, Аўстралія)

Ёрк (па-ангельску: Cape York) — мыс, самы паўночны пункт Аўстралійскага кантынэнту.

Мыс Ёрк знаходзіцца на паўвостраве Кейп-Ёрк. Адміністрацыйна зьяўляецца тэрыторыяй аўстралійскага штату Кўінзлэнд. Знаходзіцца прыкладна за 800 кілямэтраў на паўночны захад ад гораду Кэрнз. Абмываецца водамі Арафурскага і Каралавага мора. За 150 кілямэтраў на поўнач знаходзіцца востраў Новая Гвінэя (адзелены ад мыса пралівам Торэса).