Ігар Жалязоўскі

Ігар Жалязоўскі (1 чэрвеня 1963, Орша — 12 чэрвеня 2021^[2]) — беларускі канькабежац, заслужаны майстар спорту СССР (1985). Заслужаны работнік фізычнай культуры і спорту Рэспублікі Беларусь (1994). 5 разоў прызнаваўся лепшым спартоўцам году Беларусі па выніках апытаньня спартыўных журналістаў (1985, 1986, 1989, 1991, 1993).

Ігар Жалязоўскі на чэмпіянаце сьвету па спрынтэрскім шматбор’і, Нідэрлянды, 24.2.1985

Ігар Жалязоўскі
Пэрсанальная інфармацыя
Поўнае імя	па-беларуску: Ігар Мікалаевіч Жалязоўскі
Нарадзіўся	1 ліпеня 1963(1963-07-01)[1] Ворша, Віцебская вобласьць, БССР, СССР[1]
Памёр	12 чэрвеня 2021(2021-06-12)[1] (57 гадоў) Менск, Беларусь
Грамадзянства	СССР Беларусь
Прафэсійная інфармацыя
Спэцыялізацыя	канькабежац
Узнагароды і мэдалі

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Жалязоўскі.

Адзін з наймацнейшых у сьвеце канькабежцаў-спрынтэраў ў 1980-90-х гг. Неаднаразовы рэкардсмэн сьвету (у 1983-89) на дыстанцыі 1000 і 1500 м і ў спрынтэрскім мнагабор’і. Срэбны (1994) і бронзавы (1988) прызёр зімовых Алімпійскіх гульняў на дыстанцыі 1000 м, шасьціразовы чэмпіён сьвету па спрынтэрскім шматбор’і (1985, 1986, 1989, 1991-93), пяціразовы чэмпіён СССР па спрынтэрскім шматбор’і (1985, 1986, 1989-91), шматразовы чэмпіён краіны (у 1984-91) на дыстанцыях 500, 1000 і 1500 м атрымаў 30 перамог на этапах Кубка сьвету (1985—1993). Уладальнік Кубка сьвету на дыстанцыі 1000 м (у 1991—1993).

Экс-рэкардсмэн сьвету на дыстанцыях 1000 і 1500 м, а таксама ў спрынтэрскім мнагабор’і.

Скончыў Беларускі інстытут фізычнай культуры ў 1984 годзе. З 1995 году на адміністрацыйнай працы: прэзыдэнт Беларускага саюзу канькабежцаў (1996—2005), чалец НАК Беларусі, прэзыдэнт Параалімпійскага камітэту Беларусі (1996—2001).