Ільля Рашчэня

Ільля́ Рашчэ́ня (нар. 1 чэрвеня 2003 году) — беларускі футбаліст, абаронца барысаўскага БАТЭ.

Ільля Рашчэня
Пэрсанальная інфармацыя
Нарадзіўся	27 траўня 1997(1997-05-27)[1][2] (28 гадоў) Менск, Беларусь[3]
Рост	184 см[3]
Вага	74 кг[4]
Пазыцыя	абаронца
Клюбная інфармацыя
Клюб	БАТЭ
Нумар	23
Клюбы
Гады	Клюб	Гульні (галы)¹
2014—2019	Энэргетык-БДУ	101 (1)
2019	→ Інкамспорт Ялта[d]	9 (0)
2019	→ Смалявічы	11 (1)
2020	Смалявічы	11 (0)
2020—2021	Слуцак	20 (0)
2021—2023	Валгар[d]	50 (0)
2023—2024	Гомель	42 (0)
2025—4	БАТЭ	8 (0)
2025—4	→ БАТЭ-2[d]	1 (0)
Зборныя
2015	Беларусь (да 19)[d]	3 (0)
2016	Беларусь (да 21)	1 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 15 чэрвеня 2025.

Кар’ера

Клюбная

Выхаванец менскай «Зоркі-БДУ». З 2014 году пачаў выступаць за каманду ў Першай лізе ды зь цягам часу замацаваўся ў асноўным складзе. Паводле вынікаў сэзону 2018 году дапамог камандзе прасунуцца ў Найвышэйшую лігу. Сам, аднак, быў выведзены з асноўнага складу і падтрымліваў форму з дублем, а ў сакавіку 2019 году быў аддадзены ў арэнду ў крымскі клюб «Інкамспорт»^[5], які ачольваў беларускі спэцыяліст Юры Сьвіркоў. У траўні 2019 году пасьля звальненьня Сьвіркова пакінуў каманду ўсьлед за ім.

У ліпені 2019 году быў аддадзены ў арэнду ў «Смалявічы»^[6]. Замацаваўся ў пачатковым складзе каманды і дапамог ёй выйсьці ў Найвышэйшую лігу. У студзені 2020 году падпісаў паўнавартасны кантракт з «Смалявічамі»^[7]. У верасьні 2020 году паводле пагадненьня бакоў пакінуў клюб^[8] і неўзабаве далучыўся да «Слуцку»^[9]. У «Слуцку» быў трывалым гульцом асновы. У ліпені 2021 году паводле пагадненьня бакоў пакінуў слуцкі клюб^[10] і неўзабаве далучыўся да расейскага «Валгара»^[11]. У чэрвені 2023 году пакінуў клюб па заканчэньні кантракту^[12]. У жніўні 2023 году далучыўся да «Гомля»^[13]. У студзені 2024 году падоўжыў кантракт з клюбам^[14]. У новым сэзоне быў трывалым гульцом першай адзінаццатцы, часам выконваючы функцыі капітана. Па заканчэньні сэзону галоўны трэнэр Андрэй Гараўцоў спрабаваў захаваць футбаліста ў камандзе, але Рашчэня абраў БАТЭ^[15][16][17].

Міжнародная

У кастрычніку 2013 году быў у складзе зборнай Беларусі (да 17 гадоў) на кваліфікацыйным раўндзе чэмпіянату Эўропы, аднак на поле не выходзіў. У кастрычніку 2015 году гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы. 11 лістапада 2016 году правёў свой адзіны матч за зборную Беларусі (да 21 году), калі выйшаў у стартавым складзе ў таварыскім матчы супраць зборнай Украіны, але ўжо на 9-й хвіліне быў заменены.