Імпульс-БДУІР Менск

«Імпульс-БДУІР» — беларускі баскетбольны клюб зь Менску, што выступае ў Найвышэйшай лізе чэмпіянату Беларусі.

Імпульс-БДУІР
Заснаваны	2006
Мінуўшчына	Імпульс-БДУІР (2006—2007) БДУІР-РЦАР (2007—2011) БДУІР (2011—2012) Імпульс-БДУІР (2012 — цяпер)
Месцазнаходжаньне	Менск, Беларусь
Чэмпіянат	Найвышэйшая ліга
Спасылкі

Гісторыя

З стварэньнем унівэрсытэту баскетбол быў самым папулярным відам спорту ў навучальнай установе^[1]. Зборная ўнівэрсытэту была чэмпіёнам краіны сярод ВНУ краіны. У 1968 годзе была сфармаваная каманда дзеля ўдзелу ў Першай лізе чэмпіянату СССР. Па стварэньні айчыннага чэмпіянату ў ім спаборнічала каманда РТІ, якая была расфармаваная ў 2003 годзе. Клюб «Імпульс-БДУІР» быў створаны ў 2006 годзе і ўважаецца пераемнікам каманды РТІ. З 2010 году клюб выступае ў Найвышэйшай лізе чэмпіянату Беларусі^[2], часта займаючы апошнія месцы. У 2021 годзе «Імпульс-БДУІР» упершыню ў гісторыі здабыў бронзавыя мэдалі, перамогшы ў сэрыі за трэцяе месца «Горадню-93» зь лікам 3:1^[1][3]. Пры гэтым у двух першых матчах каманда абмяняліся перамогамі, а ў двух наступных матчах сэрыі двойчы перамогу сьвяткавалі «студэнты»^[3]. Да гэтага найлепшым вынікам каманды было 4 месца, здабытае ў сэзоне 2015—2016 гадоў.

Дасягненьні

• Бронзавы прызэр чэмпіянату Беларусі: 2021