Інстытут парлямэнтарызму і прадпрымальніцтва

Інстытут парлямэнтарызму і прадпрымальніцтва (ІПП) — недзяржаўная вышэйшая навучальная ўстанова. Заснаваны ў 1993 годзе Міжнародным адукацыйным кансорцыюмам^[1].

Знаходзіцца ў Менску на вул. Ціміразева, 65А. Рыхтуе студэнтаў 11 спэцыяльнасьцяў дзённай і завочнай формы навучаньня, у тым ліку мэнэджэраў-эканамістаў, юрыстаў і палітолягаў-юрыстаў.

У 2017 годзе паводле зьвестак афіцыйнага сайту ІПП, там навучаліся 1100 студэнтаў і працавалі 80 выкладчыкаў^[2].

Вядомыя выкладчыкі

• Яўген Анішчанка (1955-2021) — беларускі гісторык.
• Віктар Цітоў (нар. 1938) — беларускі этнограф, гісторык, пэдагог.
• Натальля Гардзіенка (нар. 1977) — беларускі гісторык.