Ісак Салавейчык

Ісак Восіпавіч Салавейчык (1890, Беласток — 1967) — вядомы беларускі савецкі фатограф.

Вікіпэдыя мае артыкулы пра іншых асобаў з прозьвішчам Салавейчык.

Нарадзіўся ў сям’і фатографа. Ягоны дзед і бацька — уласьнікі асабістых фотамайстэрняў ў Гародні, Слоніме, Нясьвіжы і іншых гарадах Беларусі.

Працаваў фотакарэспандэнтам газэт і часопісаў БССР, выкладаў на шматлікіх курсах фотааматараў, пасьля ў адмысловай вучэльні фатографаў-бытавікоў, супрацоўнік рэспубліканскіх выдавецтваў, фатограф «Белдзяржкіно», часопісе «Чырвоная Беларусь», музэйны фотамайстар. Адзін з аўтараў першага ў СССР фотаальбому — «Беларусь Савецкая»^[1].

Першы мастацкі кіраўнік фотаклюбу «Мінск» — цяпер самы стары і шанаваны на постсавецкай прасторы.

У кастрычніку 2010 году да 120 годзьдзя Салавейчыка ў нацыянальным гістарычным музэі Рэспублікі Беларусь ладзілася выстава «ФАТОГРАФ СВАЙГО ЧАСУ»^[2].