Авіньён

Авіньён (па-француску: Avignon, па-аксытанску: Avinhon) — горад у Францыі, адміністрацыйны цэнтар дэпартамэнта Ваклюз у Правансе (рэгіён Праванс-Альпы-Лазурны бераг), на левым беразе ракі Роны. Адзін з найвыбітнейшых і адначасова прыгажэйшых гарадоў Францыі.

Авіньён
франц. Avignon
Герб Авіньёну Сьцяг Авіньёну
Краіна:	Францыя
Рэгіён:	Праванс-Альпы-Лазурны бераг
Дэпартамэнт:	Ваклюз
Кіраўнік:	Сэсыль Эль[d]
Плошча:	64,91 км²[1]
Вышыня:	10 м н. у. м.
Насельніцтва:	▲91 760 чал. (1 студзеня 2022)[2]
Тэлефонны код:	49
Паштовы індэкс:	84000, 84140
Геаграфічныя каардынаты:	43°56′55″ пн. ш. 4°48′30″ у. д.
Авіньён на мапе Францыі Авіньён
Галерэя здымкаў у Вікісховішчы
http://www.avignon.fr

Гісторыя

У старажытнасьці Авіньён быў сталіцай гальскага племені кавараў і яшчэ да гэтага часу захаваў шматлікія рэшткі рымскай эпохі. У Сярэднявеччы вобласьць Авіньёну належала папам, якія кіравалі ёй праз свайго віцэ-легата й толькі паводле мірнай дамовы ў Талентына ў 1797 годзе павінны былі канчаткова саступіць яе Францыі. Побач з горадам знаходзяцца залежы пяску добрага якасьці, які й сёньня судамі вывозяць на экспарт у Італію для вытворчасьці шкла. У Сярэднявеччы продаж пяску для шкла прыносіў папства добры прыбытак.

У царкоўнай гісторыі Авіньён мае вялікае значэньне, бо на працягу 69 гадоў з 1309 па 1378 служыў месцазнаходжаньнем папаў, зь якіх Клімэнт V, па загадзе Філіпа IV перанёс суды сваю рэзыдэнцыю з Рыма. Але й пасьля гэтага пэрыяду, вядомага пад назвай Авіньёнскага палону папаў да 1409 году горад зьяўляўся рэзыдэнцыяй многіх непрызнаных папаў.

Насельніцтва

Горад Авіньён ў XIV стагодзьдзі налічваў 100 тысяч жыхароў, пасьля рэвалюцыі лік зьменшыўся да 17 тысячы, а ў 2008 годзе колькасьць жыхароў склала 90 109 чалавек.