Агрыпа

Марк Віпсаніюс Агрыпа (па-лацінску: Marcus Vipsanius Agrippa; 63 да н. э.— 12 да н. э.) — рымскі дзяржаўны дзяяч і ваеначальнік^[1].

Агрыпа

Быў умелым ваеначальнікам, перамог у марской бітве пад Наўлохам (36 да н. э.). Паходзіў, быццам, зь невысакароднай сям’і, але быў сябрам і паплечнікам імпэратара Актавіяна Аўгуста. Аўгуст скасаваў шлюб Агрыпы са сваёй пляменьніцай Марцэлай (21 да н. э.) і ажаніў яго са сваёй дачкой Юліяй, аднак тры сыны Агрыпы і Юліі — Гай Цэзар, Люцыюс Цэзар і Агрыпа Постум, які нарадзіўся пасьля сьмерці бацькі, памерлі рана. Таксама ў Агрыпы і Юліі была дачка — Агрыпіна Старэйшая.

Вядомая статуя Агрыпы ў традыцыйным рымскім выглядзе і адзеньні, зробленая ў той пэрыяд, калі ён стаў зяцем Аўгуста.