Акцыянэрны банк рэканвэрсіі і разьвіцьця

Закры́тае акцыянэ́рнае тавары́ства «Акцыянэ́рны банк рэканвэ́рсіі і разьвіцьця́» (ЗАТ «РРБ-Банк») — камэрцыйны банк у Рэспубліцы Беларусь, заснаваны ў 1994 року. Статутны фонд 182 696 389 650 рублёў (2014)^[2]. Найбуйнейшыя акцыянэры: ТАА «Дыкрыс» (54,76% акцыяў), Эўрапейскі банк рэканструкцыі і разьвіцьця (14,87%), Валянцін Цыбулін (10,757%).

ЗАТ «РРБ-Банк»
Тып	ЗАТ
Заснаваная	1994
Краіна	Беларусь
Разьмяшчэньне	Беларусь
Ключавыя фігуры	в.а. старшыні Праўленьня Мікалай Юркевіч
Галіна	банкаўская сфэра
Прадукцыя	банкаўскія паслугі
Апэрацыйны прыбытак	▲40 млн Br (2022)[1]
Чысты прыбытак	▲−8,09 млн Br (2022)[1]
Лік супрацоўнікаў	▼398 чал. (2022)[1]
www.rrb.by

Рэквізыты

Найменьне банку:

• па-беларуску: Закрытае акцыянернае таварыства «Акцыянэрны банк рэканвэрсіі і разьвіцьця» (скарочана ЗАТ «РРБ-Банк»)
• па-расейску: Закрытое акционерное общество «Акционерный банк реконверсии и развития» (скарочана ЗАО «РРБ-Банк»)
• па-ангельску: CJSC «Joint Stock Bank of Reconversion and Development»

МФА 153001110, УНП 100361187, АКПА 28614525^[3].

S.W.I.F.T.: REDJBY22.

Ліцэнзія на правядзеньне банкаўскай дзейнасьці №37 выдадзеная 22 лютага 1994 року Нацыянальным банкам Беларусі^[4].

Тэлекс: 252628 IBD BY.

Дзейнасьць

Акцыянэры:

• ТАА «Дыкрыс» (канчатковы бэнэфіцыярны ўласьнік Валянцін Цыбулін) — 54,76%
• Эўрапейскі банк рэканструкцыі і разьвіцьця — 14,87%
• Валянцін Цыбулін — 10,757%
• ТАА «Нямецкае таварыства па інвэстыцыях і разьвіцьці» — 8,92%
• ТАА «Сьпідстэр-М» (канчатковы бэнэфіцыярны ўласьнік Валянцін Цыбулін) — 7,34%

Мае аддзяленьні ў Менску.

Мінуўшчына

Банк створаны 22 лютага 1994 року пад рэгістрацыйным нумарам 37. 30 верасьня 1996 да «РРБ-Банку» было далучанае ЗАТ «Белмэдбанк»^[5][6].

12 сакавіка 2003 году Кіраўніцтва Нацыянальнага банку Рэспублікі Беларусь зацьвердзіла Пастанову аб адклікаьні ў «Акцыянэрнага банка рэканвэрсіі і разьвіцьця» з 20 сакавіка 2003 году дазволу на прыцягненьне ва ўклады сродкаў фізычных асобаў у сувязі зь невыкананьнем эканамічнага нарматыву ўласнага капіталу, які складаў 10 мільёнаў эўра^[7]. 12 красавіка 2007 банк далучыўся да міжнароднае аплатнае сыстэмы Visa International. У 2008 у склад акцыянэраў увайшоў Эўрапейскі банк рэканструкцыі і разьвіцьця, у 2010 — Нямецкае таварыства па інвэстыцыях і разьвіцьці DEG^[8].