Алена Міхалюк

Алéна Міхалюк (вядомая таксама як Лёля Міхалюк), дзяв. Марцінкéвіч (15 траўня 1930, в. Лонскія Браслаўскага павету Віленскага ваяв., цяпер Шаркоўшчынскі раён Віцебскай вобласьці — 16 кастрычніка 2022) — беларуская грамадзкая дзяячка ў Вялікабрытаніі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Міхалюк.

Алена Міхалюк
Дата нараджэньня	15 траўня 1930(1930-05-15)
Месца нараджэньня	Лонскія (цяпер Віцебская вобласьць, Беларусь)
Дата сьмерці	16 кастрычніка 2022(2022-10-16) (92 гады)
Месца сьмерці	Манчэстэр, Вялікі Манчэстэр, Паўночна-Заходняя Ангельшчына[d], Ангельшчына, Вялікабрытанія
Месца пахаваньня	Паўднёвыя могілкі Манчэстэру[d]
Узнагароды

Жыцьцяпіс

Нарадзілася на Браслаўшчыне. Вучылася ў польскай і беларускай школах. У часе Другой сусьветнай вайны разам з маці апынулася на працах у Нямеччыне. Пазьней трапіла ў беларускі лягер для перамешчаных асобаў у Ватэнштэце; вучылася ў беларускай гімназіі, брала ўдзел у скаўтынгу.

У 1947 прыехала на працу ў Вялікабрытанію, працавала на тэкстыльнай фабрыцы. Пасялілася ў Брэдфардзе, дзе ў 1949 пабралася шлюбам з Янкам Міхалюком. Сябра ЗБВБ ад 28.7.1947.

У 1960-х аддала сыноў Алеся, Віктара і Эдварда ў беларускую школу-інтэрнат імя Сьв. Кірылы Тураўскага ў Лёндане і сьледам разам з мужам пераехала ў брытанскую сталіцу. У 1965—70 гг працавала гаспадыняй у гэтай школе-інтэрнаце. Актыўна падтрымлівала БАПЦ у Вялікабрытаніі.

У 1982 годзе была прынятая ў сябры Рады БНР. Сябра Ангельска-беларускага таварыства. Пасьля сьмерці мужа ў 1995 пераехала з Лёндану ў Манчэстэр.

Ад 1997 да 2013 году займала пасаду старшыні ЗБВБ.

Пахавана на Паўднёвых могілках(d) (Манчэстэр).

Узнагароды

Узнагароджана мэдалём 100 гадоў БНР Рады Беларускай Народнай Рэспублікі^[1][2].