Алтэнія

Алтэ́нія (па-румынску: Oltenia, таксама Малая Валахія^[1]) — гістарычная вобласьць на паўднёвым захадзе Румыніі, адмежаваная ад Трансыльваніі (на поўнач) Карпатамі, ад Мунтэніі (на ўсход) — ракой Олт, а ад Баўгарыі і Сэрбіі (на поўдзень і захад) — Дунаем. Распадаецца на жудзецы Горж і Долж. Галоўны горад — Краёва.

Алтэнія на мапе сучаснай Румыніі.

Тэрмін увайшоў ва ўжытак пасьля 1718 году, калі па ўмовах Пажарэвацкага міру Алтэнія (ці Малая Валахія) была адарвана ад Мунтэніі (Вялікай Валахіі) і далучана да ўладаньняў Габсбургаў (Трансыльванія). У 1737 годзе адзінства Валахіі было адноўлена.