Альфонса VIII Кастыльскі

Альфо́нса VIII Касты́льскі (па-гішпанску: Alfonso VIII de Castilla) ці Альфонса VIII Высакародны (па-гішпанску: Alfonso VIII el Noble; 11 лістапада 1155, Сорыя — 6 кастрычніка 1214, Гут’ерэ-Муньяс) — кароль Кастыліі з 1158 году, адзіны сын Санча III Кастыльскага і Блянкі Наварскай.

Альфонса VIII Кастыльскі Альфонса VIII Высакародны
кароль Кастыліі
1158 — 1214
Папярэднік	Санча III Кастыльскі
Наступнік	Генрых I
Асабістыя зьвесткі
Нарадзіўся	11 лістапада 1155, Сорыя
Памёр	6 кастрычніка 1214, Гут’ерэ-Муньяс
Нашчадкі	Генрых I
Дынастыя	Бургунская дынастыя
Жонка	Элеанора Ангельская
Бацька	Санча III Кастыльскі
Маці	Блянка Наварская

Нарадзіўся ў горадзе Сорыя тагачаснага каралеўства Леон (зараз Кастылія і Леон). Вялікую частку свайго валадараньня правёў у барацьбе з рознымі гішпанскімі дзяржавамі. Імкнуўся прыцягнуць на свой бок Ангельшчыну, Францыю і Сьвятую Рымскую імпэрыю, але супраць яго склалі саюз усе гаспадары Пірэнэйскага паўвострава, і яго выратаваў ад поўнай паразы толькі інтэрдыкт, накладзены Папам на Леон і Партугалію. У канцы валадараньня яму атрымалася заключыць саюз зь іншымі васпанамі Гішпаніі і нанесьці мусульманам паразу пры Талёсе, якая канчаткова зламала іх магутнасьць у 1212 годзе.

Глядзіце таксама

• Каралі Кастыліі ды Ляона