Аляксандар Бразгуноў

Аляксандар Уладзімеравіч Бразгуноў (Алесь Дзітрых; нар. 1972) — беларускі літаратуразнаўца-мэдыявіст, паэт і перакладнік. Кандыдат філялягічных навук (2003).

Аляксандар Бразгуноў лац. Alaksandar Brazgunoŭ
Дата нараджэньня	1972(1972)
Занятак	літаратуразнаўца, мэдыявіст, паэт, перакладнік
Навуковая сфэра	Літаратура Вялікага Княства Літоўскага XVI—XVIII стагодзьдзяў
Месца працы	Нацыянальная акадэмія навук Беларусі
Навуковая ступень	кандыдат філялягічных навук[d]

Навуковая дзейнасьць

Аўтар навуковай манаграфіі «Перакладная белетрыстыка Беларусі XV—XVII стст.» (Менск, 2007); укладальнік і перакладнік кнігазбораўскага тома «Беларускія Александрыя, Троя, Трышчан…» (Менск, 2009); укладальнік і перакладнік тома «Славянамоўная паэзія Вялікага Княства Літоўскага XVI—XVIII стст.» (Менск, 2011); адзін з аўтараў «Анталогіі даўняй беларускай літаратуры XI — першай паловы XVIII ст.» (Менск, 2003; 2-е выд. — 2005), а таксама факсымільнага выданьня рукапісу рыцарскага рамана XVI ст. «Białoruski Tristan. Беларускі Трышчан» (Уроцлаў, 2007).

У публікацыі «Генезіс імёнаў вялікіх князёў літоўскіх» (Менск, 2010) паказаў навуковую непраўдападобнасьць летувіскіх этымалёгіяў імёнаў літоўскіх князёў і баяраў.

Творчасьць

Аўтар паэтычнага зборніка «Ізмарагд» (Менск, 2010)^[1].