Аляксей Арастовіч

Аляксе́й Мікала́евіч Арасто́віч (нар. 3 жніўня 1975, Грузія) — украінскі вайсковы экспэрт беларускага паходжаньня^[1], вайсковы і палітычны аглядальнік, камэнтатар, актор. Дарадца ўкраінскай дэлегацыі ў Трохбаковай кантактнай групе^[2].

Аляксей Арастовіч
па-ўкраінску: Олексій Миколайович Арестович па-расейску: Алексей Николаевич Арестович
Асабістыя зьвесткі
Нарадзіўся	3 жніўня 1975(1975-08-03) (50 гадоў) Цытэліцкара, Сігнахскі раён, Грузінская ССР (сёньня Дэдопліс-Цкара, Дэдоплісцкарайскі муніцыпалітэт, Кахэці, Грузія)
Партыя	Братэрства[d]
Адукацыя	Адэская вайсковая акадэмія[d]
Узнагароды

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Арастовіч.

Жыцьцяпіс

Нарадзіўся у Грузіі. Бацька этнічны беларус са Слуцку. Частку дзяцінства правёў у Беларусі^[3]. У 1992 годзе скончыў школу № 178 у Кіеве. Паступіў на біялягічны факультэт унівэрсытэту імя Тараса Шаўчэнкі. У 1993 годзе пачаў граць у сучасным Кіеўскім тэатры-студыі «Чорны квадрат», пакінуўшы навучаньне.

У мінулым кадравы афіцэр Узброеных сілаў Украіны, выведнік, капітан запасу. Службовая дзейнасьць была зьвязаная з распрацоўкамі ў галіне апэратыўнай псыхалёгіі, канфлікталёгіі і псыхалёгіі экстрэмальных сытуацый. Заснавальнік грамадзкай арганізацыі «Народны рэзэрвіст» па падрыхтоўцы добраахвотнікаў для войска, вайсковы экспэрт^[4].

1 сьнежня 2020 году быў прызначаны дарадцам офісу прэзыдэнта Ўкраіны^[5].