Аляксей Туманаў

Аляксей Туманаў (нар. 19 траўня 2003 году) — беларускі футбаліст, абаронца «Менску».

Аляксей Туманаў
Пэрсанальная інфармацыя
Нарадзіўся	19 траўня 2003(2003-05-19)[1] (22 гады) Менск, Беларусь[1]
Рост	181 см[1]
Вага	74 кг[1]
Пазыцыя	паўабаронца
Клюбная інфармацыя
Клюб	Менск
Нумар	55
Клюбы
Гады	Клюб	Гульні (галы)¹
2023—4	Менск	48 (2)
2025—4	→ Менск-2	1 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 чэрвеня 2025.

Кар’ера

Клюбная

Пачаў займацца футболам у СДЮШАР БФСТ «Дынама», дзе ягоным першым трэнэрам быў Валянцін Дамашэвіч. Пазьней Туманаў далучыўся да акадэміі клюбу «Менск». У 2021 годзе пачаў абараняць колеры дублюючай каманды клюбу. Улетку таго ж году склаў сваю першую прафэсійную працоўную дамову з клюбам^[2], аднак чакаць пераводу ў першую каманду давялося ажно да 2023 году. Дэбютаваў за клюб 17 сакавіка 2023 году ў матчы Найвышэйшай лігі супраць мазырскай «Славіі», зьявіўшыся на полі зь першых хвілінаў сустрэчы. Гулец адразу замацаваўся ў асноўным складзе каманды, стаўшы адным з ключавых гульцоў, гуляючы пераважна на левым флянзе абароны. У заключным матчы сэзону 2023 году, які ладзіўся 2 сьнежня, адзначыўся першым голам, які быў улучаны ў браму «Іслачы». У 2024 годзе працягваў выкарыстоўвацца ў асноўным складзе, а па заканчэньні сэзону склаў новую працоўную ўгоду з клюбам^[3].

Міжнародная

У ліпені 2021 году футбаліст выправіўся на зборы з зборнай Беларусі (да 19 гадоў)^[4]. У кастрычніку 2021 году поруч з камандай выправіўся і на кваліфікацыйныя матчы чэмпіянату Эўропы (да 19 гадоў)^[5].