Анастас Анцыповіч

Анаста́с Анцыпо́віч — беларускі вайсковец, капітан, удзельнік Слуцкага збройнага чыну.

Уваходзіў у склад Рады Случчыны. Першы камандзір Першай слуцкай брыгады БНР. Вызвалены з пасады 3 сьнежня 1920 году разам з Антонам Мірановічам і Яўгенам Рэўтам^[1]. Подле ўспамінаў Антона Сокал-Кутылоўскага, Анцыповіч быў выдадзены палякамі бальшавікам, пасьля чаго расстраляны. Подле ўспамінаў Антона Бачко, Анцыповіч пасьля паўстаньня заняўся гандлем на Палесьсі^[2].