Анварбек Латыпаў

Анварбе́к Закі́равіч Латы́паў (28 жніўня 1927, Петрапаўлаўск, Казаская АССР, РСФСР — 19 лістапада 2010^[1], Горкі, Беларусь) — беларускі навуковец-біёляг. Доктар сельскагаспадарчых навук (1977), прафэсар (1978), акадэмік Міжнароднай акадэміі аграрнай адукацыі Расеі. Заслужаны работнік адукацыі Беларусі (1995).

Анварбек Латыпаў
Дата нараджэньня	28 жніўня 1927(1927-08-28)
Месца нараджэньня	Петрапаўл, Акмалінская губэрня[d], Казаская Аўтаномная Сацыялістычная Савецкая Рэспубліка, РСФСР, СССР
Дата сьмерці	19 лістапада 2010(2010-11-19) (83 гады)
Месца вучобы	Маскоўская сельскагаспадарчая акадэмія імя Ціміразева[d] (1951)
Занятак	біёляг
Месца працы	Беларуская дзяржаўная сельскагаспадарчая акадэмія
Навуковая ступень	доктар сельскагаспадарчых навук[d] (1975)
Узнагароды

Вікіпэдыя мае артыкулы пра іншых асобаў з прозьвішчам Латыпаў.

Жыцьцяпіс

Скончыў Петрапаўлаўскі сельскагаспадарчы тэхнікум (1946), Маскоўскую сельскагаспадарчую акадэмію імя Ціміразева (1951) і асьпірантуру пры ёй (1955). З 1955 працаваў у Беларускай сельскагаспадарчай акадэміі асыстэнтам, дацэнтам катэдры сэлекцыі і насеньняводзтва агранамічнага факультэту. У 1957—1961 — дэкан факультэту завочнага навучаньня; у 1962—1967 — прарэктар па навуковай рабоце. Ініцыятар і арганізатар стварэньня катэдры генэтыкі, ейны першы загадык (1967—2000). Таксама ў 1977—1983 — прарэктар па вучэбнай рабоце.

У 1975 року абараніў доктарскую дысэртацыю. У 1978 зацьверджаны прафэсарам катэдры генэтыкі.

Навуковая дзейнасьць

Аўтар звыш 250 навуковых і навучальна-мэтадычных працаў па генэтыцы і сэлекцыі збожжавых культур (пшаніца, трыцікале).

Падрыхтаваў больш за 130 дыплёмнікаў, 25 кандыдатаў і 2 дактароў навук^[2].

Узнагароды

• Ордэн «Знак Пашаны» (1966);
• мэдаль „За доблесную працу“;
• Ганаровыя граматы Вярхоўнага Савету БССР, Нацыянальнага сходу і Савету міністраў Рэспублікі Беларусі;
• «Заслужаны работнік адукацыі Рэспублікі Беларусь» (1995);
• акадэмік Міжнароднай акадэміі аграрнай адукацыі Расеі (2000).

Асноўныя публікацыі

• Основы цитологии и цитологические методы: Учеб. пособие. — Горки, 1969.
• Биология цветения, опыления и оплодотворения видов пшеницы. — Горкі, 1971 (у суаўт.).
• Биологические и технологические основы выращивания растений. — Варшава, 1990.