Андрэй Арамнаў

Андрэй Мікалаевіч Арамнаў (нарадзіўся 17 красавіка 1988 году ў Барысаве) — цяжкаатлет зь Беларусі. Алімпійскі чэмпіён 2008 году.

Андрэй Арамнаў
Пэрсанальная інфармацыя
Нарадзіўся	17 красавіка 1988(1988-04-17) (37 гадоў) Барысаў, Менская вобласьць, БССР, СССР
Грамадзянства	Беларусь
Прафэсійная інфармацыя
Спэцыялізацыя	цяжкаатлет

Выйграў срэбраны мэдаль на Юнацкім чэмпіянаце сьвету 2006 году ў катэгорыі да 94 кг з сумай 393 кг. На Юнацкім чэмпіянаце сьвету 2007 году выйграў золата ў катэгорыі да 105 кг з сумай 407 кг. Выпускнік Бабруйскай вучэльні алімпійскага рэзэрву (Магілёўская вобласьць)^[1].

Таксама выйграў золата на дарослым чэмпіянаце сьвету 2007 году ў катэгорыі да 105 кг з сумай 423 кг. На Алімпійскіх гульнях у Пэкіне ў 2008 годзе заваяваў залаты мэдаль у катэгорыі да 105 кг з сусьветным рэкордам у рыўку (200 кг), у штуршку (236 кг), а таксама ў суме — 436 кг.