Антон Кавалеўскі

Антон Кавалеўскі (нар. 2 лютага 1986 году) — колішні беларускі футбаліст, брамнік.

Антон Кавалеўскі
Пэрсанальная інфармацыя
Нарадзіўся	2 лютага 1986(1986-02-02)[1] (39 гадоў) Магдэбург, Нямецкая Дэмакратычная Рэспубліка
Рост	186 см
Вага	83 кг
Пазыцыя	брамнік
Клюбы
Гады	Клюб	Гульні (галы)¹
2005	Нафтан	0 (0)
2006	Партызан Менск	0 (0)
2007—2009	Нафтан	55 (0)
2009	Віцебск	3 (0)
2010	Белшына	8 (0)
2011	Тарпэда-БелАЗ	15 (0)
2012	Дняпро Магілёў	17 (0)
2013—2014	Белшына	12 (0)
2014	Іслач	5 (0)
Зборныя
2007—2009	Беларусь (да 21)	4 (0)

Кар’ера

Клюбная

Гуляў за дубль «Нафтану» і МТЗ-РІПА, а з 2008 году быў асноўным брамнікам наваполацкага клюбу. У 2009 годзе саступіў месца ў асноўным складзе Мікалаю Раманюку і перайшоў у «Віцебск», дзе, аднак, таксама ня даў рады. Пасьля гуляў за розныя клюбы, у 2012 годзе разам з магілёўскім «Дняпром» стаў пераможцам Першай лігі.

У лютым 2013 году падпісаў кантракт з бабруйскай «Белшынай»^[2]. У «Белшыне» быў другім брамнікам пасьля Дзьмітра Гушчанкі, але часам зьяўляўся і ў пачатковым складзе. 19 кастрычніка 2013 году ў матчы супраць «Нафтану» атрымаў цяжкую траўму ў сутыкненьні зь Ігарам Крывабокам^[3], але неўзабаве вярнуўся да шыхтаў. У студзені 2014 году падоўжыў кантракт з бабруйскім клюбам. У сэзоне 2014 году чаргаваўся ў асноўным складзе з Андрэем Шчарбаковым. Улетку 2014 году пакінуў бабруйскі клюб^[4][5][6].

У кастрычніку 2014 году далучыўся да першалігавай «Іслачы»^[7]. Быў асноўным брамнікам гэтага клюбу, але па заканчэньні сэзону 2014 году пакінуў «Іслач»^[8].

Міжнародная

Выступаў за моладзевую зборную Беларусі, быў запасным брамнікам на моладзевым чэмпіянаце Эўропы 2009 году ў Швэцыі.

Трэнерская праца

У 2015 годзе, завяршыўшы кар’еру, зьехаў працаваць на Камчатку^[9]. Пасьля вярнуўся ў Беларусь, дзе пачаў працаваць трэнэрам брамнікаў у юнацкіх камандах^[10]. У траўні 2024 году стаў трэнэрам брамнікаў у асноўнай камандзе «Іслачы»^[11].