Антон Сучкоў

Антон Сучкоў (нар. 29 траўня 2002 году) — беларускі футбаліст, абаронца гарадзенскага «Нёману» і моладзевай зборнай Беларусі. Сын былога гульца нацыянальнай зборнай Беларусі Аляксея Сучкова.

Антон Сучкоў
Пэрсанальная інфармацыя
Нарадзіўся	29 траўня 2002(2002-05-29)[1] (23 гады) Горадня, Беларусь[1]
Рост	183 см[1]
Вага	70 кг[1]
Пазыцыя	паўабаронца, нападнік
Клюбная інфармацыя
Клюб	Нёман Горадня
Нумар	71
Клюбы
Гады	Клюб	Гульні (галы)¹
2020—2024	Нёман Горадня	44 (5)
2022	→ Нафтан	9 (6)
2024	→ Нафтан	6 (1)
2024	Нафтан	22 (5)
2025—4	Нёман Горадня	14 (4)
Зборныя
2022—2023	Беларусь (да 21)	3 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Выхаванец СДЮШАР «Белкард». Пазьней трапіў у юнацкую каманду гарадзенскага «Нёману». У жніўні 2018 году падпісаў першы прафэсійны кантракт з клюбам^[2] і пачаў выступаць за дубль. Дэбютаваў у Найвышэйшай лізе 4 ліпеня 2020 году ў матчы супраць «Іслачы» (1:0), выйшаўшы на замену ў канцы сустрэчы. У далейшым працягваў зьяўляцца ў асноўнай камандзе, пераважна выходзячы на замену.

Сэзон 2022 году пачынаў у «Нёмане», а ў сакавіку быў аддадзены ў арэнду ў наваполацкі «Нафтан»^[3], дзе замацаваўся ў стартавым складзе. У ліпені 2022 году быў адкліканы з арэнды ў «Нёман»^[4]. У 2022 годзе зьяўляўся ў асноўным складзе гарадзенцаў нерэгулярна, а ў сэзоне 2023 году ўжо замацаваўся ў пачатковым складзе. У ліпені 2023 году падоўжыў кантракт з клюбам да лета 2024 году^[5]. У лютым 2024 году зноў быў арандаваны «Нафтанам»^[6]. У Наваполацку згуляў выдатны сэзон, правёўшы першы гол ужо ў першым матчы ў браму «Нёману». Агулам за сэзон паклаў на свой рахунак шэсьць галоў цягам чэмпіянату ды адзін гол у пераходных матчах супраць «Нівы».

Міжнародная

21 верасьня 2022 году дэбютаваў у зборнай Беларусі (да 21 году), выйшаўшы на замену ў другім тайме таварыскага матча супраць зборнай Расеі (1:6).

Дасягненьні

• Срэбраны прызэр чэмпіянату Беларусі: 2023
• Уладальнік Кубка Беларусі: 2025