Антыпуцінская кааліцыя

Антыпуцінская кааліцыя — ваенна-палітычны зьвяз дзяржаваў, якія падтрымліваюць Украіну падчас расейскага ўварваньня ва Ўкраіну ў 2022 годзе.

Стварэньне

24 лютага 2022 году Расейская Фэдэрацыя аб’явіла вайну Ўкраіне. У той жа дзень прэзыдэнт Украіны Ўладзімір Зяленскі правёў перамовы з заходнімі лідэрамі й пачаў фармаваньне «антыпуцінскай кааліцыі». Першымі членамі кааліцыі былі ЗША, Вялікабрытанія, Эўрапэйская Рада, Польшча й Літва. Прэзыдэнт Украіны заклікаў сусьветных лідараў выкарыстоўваць усе магчымыя санкцыі супраць прэзыдэнта Расеі Ўладзіміра Пуціна, разгарнуць маштабную абарончую падтрымку й закрыць паветраную прастору над Украінай для аґрэсара.^[1]

2 сакавіка 2022 году Генасамблея ААН падтрымала рэзалюцыю аб аґрэсыі супраць Украіны й заклікала Расейскую Фэдэрацыю вывесьці свае войскі. За рэзалюцыю прагаласавала 141 краіна-сябра ААН.^[2] Прэзыдэнт Украіны Ўладзімір Зяленскі заявіў, што вынікі галасаваньня сьведчаць аб стварэньні Антыпуцінскай кааліцыі й аб тым, што яна ўжо пачала дзейнічаць.^[3]

Удзельнікі

• Украіна
• ЗША
• Польшча
• Вялікабрытанія
• Беларусь
• Эстонія
• Летува
• Латвія
• Эўрапейскі Зьвяз
• Швэцыя  — упершыню з 1939 г. аказала ваенную дапамогу^[4]
• Фінляндыя  — упершыню ў сваёй гісторыі прадаставіла зброю^[4]