Арол (Міжзем’е)

Арлы́ — у толкінавым легендарыюме вялізныя мудрыя птушкі, якія маглі размаўляць. Створаныя Манвэ і Яванай^[1] перад абуджэньнем Дзяцей Ілуватара. У творах Толкіна зьяўляюцца звычайна ў надзвычайных выпадках.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Арол (неадназначнасьць).

Згадкі ў легендарыюме

Першая эпоха

У Першую эпоху яны дапамагалі эльфам і людзям супрацьстаяць Марготу. Пад даводзтвам Тарандора гнездавалі ў гарах Крысаэгрым^[2]. Акрамя асабістых подзьвігаў Тарандора, дзеі Арлоў улучалі таксама абарону Гондаліну ад шпіёнаў Маргота^[3]; уратаваньне Бэрэна і Люціень з Ангбанду^[4]; абарону Туора, Ідрыль і рэшту жывых жыхароў Гондаліну пры ягонай пагібелі^[5]; а таксама, з падтрымкаю Эарендыля, паразу крылатых цмокаў у Вялікай бітве^[6].

Другая эпоха

У Другую эпоху большасьць Арлоў меркавана вярнуліся ў Аман. У канцы эпохі яны прыбылі ў Нумэнор з папярэджаньнем пра будучую пагібель каралеўства.

Трэцяя эпоха

У Трэцюю эпоху Арлы Гвайхіра, што насялялі Туманныя горы, дапамагалі Гэндальфу і Радагасту. Яны адыгралі істотную ролю ў выправе Торына да Самотнай гары з мэтаю вярнуць скарбы гномаў^[7] і ў бітве Пяці войскаў^[8], У Вайну Пярсьцёнка вызвалілі Гэндальфа з Ортанку^[9], а таксама выратавалі Фрода і Сэма з Арадруіну^[10]. Таксама арлы бралі ўдзел у бітве ля брамы Мордару супраць назгулаў.