Арцём Турыч

Арцём Турыч (нар. 23 студзеня 2005 году) — беларускі футбаліст, паўабаронца «Менску».

Арцём Турыч
Пэрсанальная інфармацыя
Нарадзіўся	23 студзеня 2005(2005-01-23)[1] (20 гадоў) Берасьце, Беларусь[1]
Пазыцыя	паўабаронца
Клюбная інфармацыя
Клюб	Менск
Нумар	23
Клюбы
Гады	Клюб	Гульні (галы)¹
2022—2023	Цэнтар футболу[d]	0 (0)
2022—2023	→ Энэргетык-БДУ	40 (2)
2024—2025	Дынама Берасьце	14 (0)
2025—4	Менск
Зборныя
2023	Беларусь (да 19)[d]	3 (0)

Кар’ера

Клюбная

Выхаванец берасьцейскага «Дынама». Выступаў за юнацкія каманды клюбу. У пачатку 2021 году разам з акадэміяй дынамаўцаў далучыўся да берасьцейскага «Руха», дзе пачаў абараняць колеры клюбу ў складзе дубля. У пачатку 2022 году «Рух» зьняўся з чэмпіянату Беларусі, але паўабаронца працягваў выступаць за каманду клюбу ў юнацкім першынстве.

У чэрвені 2022 году трапіў у структуру берасьцейскага «Цэнтра разьвіцьця футболу» (былая акадэмія «Дынама» і «Руха»), а ў ліпені быў аддадзены ў арэнду ў сталічны «Энэргетык»-БДУ^[2]. Дэбютаваў у Найвышэйшай лізе 5 жніўня 2022 году ў матчы супраць «Віцебска» (3:0), калі выйшаў у пачатковым складзе і адгуляў першы тайм, а на сёмай хвіліне сустрэчы адзначыўся голам. У далейшым працягваў рэгулярна зьяўляцца на полі, пераважна выходзячы на замену. У жніўні 2023 году арэнда ў «Энэргетыку-БДУ» была падоўжаная яшчэ на год^[3]. У студзені 2024 году прыяднаўся да берасьцейскага «Дынама», склаўшы трохгадовы кантракт^[4]. Улетку 2025 году стаў футбалістам «Менску»^[5].

Міжнародная

У кастрычніку 2021 году гуляў за зборную Беларусі (да 17 гадоў) у кваліфікацыі чэмпіянату Эўропы. У лістападзе 2023 году гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы.