Арыс Тэсалёнікі

«А́рыс» (па-грэцку: Άρης) — грэцкі футбольны клюб з гораду Тэсалёнікаў. Заснаваны ў 1914 годзе. Клюб быў заснавальнікам Македонскай асацыяцыі футбольных клюбаў, а таксама Грэцкай фэдэрацыі футболу. Асноўнымі колерамі клюбу ёсьць залаты і чорны. Залаты колер адсылае да Македоніі, дзе гэты колер быў дамінуючым у культуры, а таксама ўзгадвае бізантыйскую спадчыну Тэсалёнікаў. Назва клюбу паходзіць ад грэцкага бога вайны Арэса. На клюбным лягатыпе адлюстраваная скульптура Арэса — Арэс Людавізі. Гэта лічыцца адной з найбуйнейшых каманд у Грэцыі. Трохразовы чэмпіён Грэцыі, уладальнік Кубка Грэцыі (1970).

Арыс
Поўная назва	па-грэцку: Αθλητικός Σύλλογος Θεσσαλονίκης ο Άρης Ποδοσφαιρική Ανώνυμη Εταιρεία
Заснаваны	25 сакавіка 1914
Горад	Тэсалёнікі, Грэцыя
Стадыён	Клеантыс Вікелідыс Умяшчальнасьць: 22 800
Кіраўнік	Amani Swissi[d][1]
Чэмпіянат	Супэрліга
· 2024—2025	5 месца
Галерэя здымкаў у Вікісховішчы arisfc.com.gr/gr (грэцк.)​ (анг.)

Гісторыя

Клюб паўстаў як футбольны клюб, дзякуючы руплівасьці купы з 22 маладых сяброў у кавярні 25 сакавіка 1914 году. Назва Арыс адсылае да старажытнагрэцкага бога Арэса. Такі назоў быў натхнёны дзьвюма балканскімі войнамі 1912—1913 гадоў, калі Грэцыя ваявала супраць Асманскай імпэрыі перад тым, як уступіць у вайну з Баўгарыяй. У дадатак, у грэцкай міталёгіі Арэс часта канфліктаваў зь іншым богам Гэраклам, у гонар якога названы быў футбольны клюб і супернік «Іракліс».

Чэмпіёны Грэцыі «Арыс» на вокладцы газэты 1928 году.

«Арыс» таксама мае суперніцтва з ПАОКам. Спачатку клюб базаваўся ля Аркі і магілы Галерыюса, але пасьля зьліцьця з двума дробных футбольнымі клюбамі ў 1919 і 1921 гадах база клюбу была перанесеная зусім недалёка, то бок да вуліцы Флэмінг ва ўсходніх Тэсалёніках. Першы стадыён быў пабудаваны на месцы, дзе ў цяперашні час месьціцца Марсавае поле. Хутка клюб стаў вельмі папулярным, і неўзабаве ў структуры былі створаны новыя каманды ў іншых відах спорту, акрамя футбольных.

У тыя часы бракавала усеагульнай прафэсійнай лігі Грэцыі, а клюбы спаборнічалі ў сваіх рэгіёнах, каб потым у агульным невялікім турніры пазмагацца за тытул нацыянальнага чэмпіёна. Першая афіцыйная гульня клюба была зладжаная ў 1923 годзе. Супернікам «Арыса» быў клюб «Мэгас Аляксандрас». У той год «Арыс» здабыў тытул чэмпіёну рэгіёну, што паўтарылася ў наступным годзе. У 1926 годзе клюб быў стаў атлетычным клюбам, бо акрамя футболу ў клюбе практыкаваліся іншыя віды спорту.

Першы буйны посьпех «Арыс» быў дасягнуты паміж 1927 і 1928 гадамі, калі клюб здабыў перамогу ў чэмпіянаце Грэцыі^[2], перамогшы у фінальным турніры «Атромітас» і «Этнікос». Трэнэрам каманды быў немец Томас Кесьлер, а выбітнымі гульцамі «Арыса» былі, сярод іншых, Костас Бікелідыс, Сабас Багіяцыс, які стаў найлепшым бамбардзірам з шасьцю галамі, і Нікас Агелякіс, бамбардзір фіналу з чатырма галамі. У наступным годзе «Арыс» здабыў чэмпіёнскі тытул Тэсалёнікаў, згуляўшы два матчы супраць ПАОКу. У першым матчы, які ладзіўся 12 траўня 1929 году, «Арыс» і ПАОК згулялі ўнічыю зь лікам 1:1, у той час як другі матч выявіў пераможцам «Арыс», які быў мацней зь лікам 4:3. Нікас Агелякіс зрабіў хет-трык у тым матчы.

Склад

Актуальны на 15 лютага 2025 году

№ Пазыцыя Імя Год нараджэньня 3 Аб Фабіяну 1991 4 Аб Фран Вэлес 1991 5 ПА Хасэ Сыфуэнтэс (ар. Рэйнджарз) 1999 7 Нап Піёнэ Сыста 1995 8 ПА Мончу 1999 9 Нап Альвара Самора 2002 10 Нап Яніс Фэтфацыдыс 1990 11 Нап Кіке Савэрыё 1999 14 Аб Якуб Брабэц 1992 16 ПА Уладзімер Дарыда 1990 17 Аб Марцін Фрыдэк 1992 18 Аб Валентына Фаторэ 2001 19 Нап Робін Квэйсан 1993 20 Бр Філіп Сыдклеў 2005 21 ПА Рубэн Парда 1992

№ Пазыцыя Імя Год нараджэньня 22 Аб Уга Мальлё 1991 23 Бр Хуліян Куэста (капітан) 1991 24 Аб Марка Керкез (ар. Партызан) 2000 25 ПА Мамаду Ньінг 2006 27 Аб Хуан Карляс 1990 28 Нап Дуду Радрыгес 2002 30 ПА Жан Жуль 1998 31 Бр Канстантынас Кірыязіс 2004 33 Аб Мартын Мантоя 1991 37 Аб Гамза Мэндыль 1997 70 Нап Дарыё Шпікіч (ар. Дынама) 1999 77 Нап Міхаліс Панагідыс 2004 80 Нап Лярэнса Марон 1993 92 Аб Ліндсі Роўз 1992 99 Нап Клейтан Дыяндзі 2006