Асанаўскі вялікі камень

«Вялікі камень» Асанаўскі — валун у Беларусі, геалягічны помнік прыроды рэспубліканскага значэньня^[1].

Асанаўскі валун

Асанаўскі вялікі камень
катэгорыя III (помнік прыроды) паводле МСАП
2020 год
Разьмяшчэньне	Крэўскі сельсавет, Смаргонскі раён, Гарадзенская вобласьць (Беларусь)
Найбліжэйшае мястэчка	Асаны
Каардынаты	54°21′3″ пн. ш. 26°14′10″ у. д.
Плошча	20 м²
Сярэдняя вышыня	298 м н.у.м.
Заснаваны	18 студзеня 2008 (17 гадоў таму)

Знаходзіцца за 800 мэтраў на захад ад вёскі Асаны. Ад лясной дарогі, што вядзе да в. Панарка, трэба ісьці да кар’ера, у 100 мэтрах ад якога знаходзіцца камень.

Валун ружовага граніту падобнага да рапаківі. Крышталы палявога шпату ў пародзе маюць выгляд прамакутніка памерам ад 1 да 6 см. Глыба прынесена ледавіком з тэрыторыі заходняй Фінляндыі прыкладна 130—150 тысячаў год таму падчас ашмянскай стадыі сожанскага аледзяненьня.

Абвод 14 м, аб’ём 21,1 м3, вага 56 т.