Мова асэмблера

Мо́ва асэ́мблера (па-ангельску: assembly language) — машына-арыентаваная мова праграмаваньня нізкага ўзроўню,^[1] якая адпавядае (звычайна ў суадносінах «адзін да аднаго»)^[1] набору інструкцыяў машыннага коду пэўнай архітэктуры. Дыялекты мовы асэмблера розьняцца на розных архітэктурах, у процівагу мовам праграмаваньня высокага ўзроўню, якія адрозьніваюцца мабільнасьцю адносна некалькіх розных архітэктур.

Мова асэмблера для архітэктуры мікрапрацэсара Motorola MC6800.

Для пераўтварэньня праграмы на мове асэмблера ў выканальны машынны код выкарыстоўваецца асэмблер (ад анг. assembler — зборца), а сам працэс пераўтварэньня называецца асэмбляваньне.