Беларускае грамадзка-культурнае таварыства (Санкт-Пецярбург)

Беларускае грамадзка-культурнае таварыства ў Санкт-Пецярбургу — грамадзкае аб’яднаньне, заснаванае ў 1989 годзе.

Адзін з заснавальнікаў таварыства сказаў^[1]

У 1989 годзе я ўдзельнічаў у стварэньні Беларускага грамадзка-культурнага таварыства, якое стала першым з 1917 году згуртаваньнем суайчыннікаў у горадзе на Няве.

Таварыства праводзіць навуковыя канфэрэнцыі, творчыя сустрэчы, лекцыі па гісторыі і культуры Беларусі, культурна-асьветную работу. Мае філіялы — Таварыства беларускай мовы імя Францішка Скарыны і рэгіянальную суполку Міжнароднай асацыяцыі беларусістаў^[2]. У 1992 годзе намаганьнямі БГКТ на месцы масавых расстрэлаў савецкіх грамадзянаў у гарадзкім пасёлку Левашова пастаўлены памятны крыж ахвярам зь Беларусі і Летувы, падрыхтавана кніга «Мартыралёг беларусаў Ленінграду». Прымае ўдзел у міжнародных і беларускіх навуковых канфэрэнцыях, зьездах беларусаў сьвету і блізкага замежжа і іншае. Калектыў мастакоў «Маю гонар» наладжвае выстаўкі ў Расеі, Беларусі, краінах Балтыі.

1990-ыя гады

Юры Туронак паехаў на канфэрэнцыю «Санкт-Пецярбург у беларускай культуры», якая праходзіла 3 чэрвеня 1996 году ў месьце Санкт-Пецярбург^[3]. Юры Туронак выступіў з дакладам «Браты Іваноўскія і Пецярбург», надрукаваным пазьней у «Беларускім зборніку» тамтэйшай Асацыяцыяй беларусістаў.

У 1998 годзе зьвярнуліся да газэты Рунь і да другога зьезду беларусаў Прыбалтыкі старшыня БГКТ Валянціна Грыцкевіч і старшыня Таварыства Культуры Беларусаў у Маскве Генадзь Лех. Яны зьвярнуліся да суполак беларусаў у Расеі. Яны спрабавалі сарваць зьезд беларусаў у Башкартастане, ва Ўфе^[4]. Яны хацелі правесьці зьезд, які будзе ня будзе мець сувязь з урадам А. Лукашэнкам.

27 сакавіка 1999 году ў Маскве адбыўся зьезд беларускамоўных суполак Расеі з некалькіх гарадоў^[5]:

• Іркуцк
• Краснаярск
• Масква
• Санкт-Пецярбург
• Цюмень

На зьезьдзе стварылі Міжрэгіянальныю асацыяцыю беларусаў Расеі. Старшынём стаў Генадзь Лех (Масква), першым намесьнікам стаў Валянцін Грыцкевіч (Санкт-Пецярбург), а другім намесьнікам стаў Алег Рудакоў (Іркуцк).

Глядзіце таксама

• Беларускае грамадзка-культурнае таварыства ў Польшчы