Беларуская рэспубліканская піянэрская арганізацыя

Беларуская рэспубліканская піянэрская арганізацыя — найбуйнешае^[1] дзіцячае грамадзкае аб’яднаньне рэжыму Лукашэнкі ў Беларусі, заснаванае ў 1990 годзе. З 2004 году брала ўдзел ў Рэспубліканскай каардынацыйнай радзе кіраўнікоў палітычных партыяў і грамадзкіх аб’яднаньняў^[2]. У 1994 годзе налічвала 94 тыс. чальцоў, у 1997-м — 133 тыс., у 2003 годзе — 300 тыс., у 2005 годзе — 435 тыс. чальцоў. У 2009 годзе стала налічваць 580 тыс. дзяцей ва ўзросьце ад 7 гадоў^[3]. У 2010-м налічвала 596 тыс. дзяцей, у тым ліку 228 тыс. дзяцей ад 7 да 10 гадоў^[4] і 313 тыс. — ад 10 да 14-і^[5]. З 2006 году пасаду старшыні займае Натальля Абравец^[6].

Беларуская рэспубліканская піянэрская арганізацыя
Абрэвіятура	БРПА
Дэвіз	Да справаў на карысьць Радзімы, да дабра і справядлівасьці, будзь гатовы
Дата ўтварэньня	13 верасьня 1990 (34 гады таму)
Тып	дзіцячае
Юрыдычны статус	грамадзкае аб’яднаньне
Мэта	творчае разьвіцьцё дзяцей
Штаб-кватэра	Менск, вул. К. Маркса, д. 40
Сяброўства	596 тыс. дзяцей (2010)
Старшыня	Натальля Абравец
Кіроўны орган	Рада
Матчына кампанія	РКРКППГА
Сайт	http://brpo.by
Колішняя назва	Беларуская рэспубліканская піянэрская арганізацыя імя В.І. Леніна

Значак БРПА часоў 1992—1995 гг

Зьяўляецца пераемніцай Усесаюзнай піянэрскай арганізацыі, Беларускай рэспубліканскай піянэрскай арганізацыі імя У. І. Леніна^[7].

Кіраваньне

• Зьлёт. Склікаецца аднойчы на 3 гады. Правамоцны пры ўдзеле больш як паловы прадстаўнікоў. Абірае Раду ды Кантрольна-рэвізійную камісію.
• Рада. Зьбіраецца штоквартал. Правамоцная пры ўдзеле паловы чальцоў. Кіруе ўласнасьцю ды бароніць зацікаўленасьці чальцоў перад іншымі ўстановамі. Ухваляе каштарыс ды выконвае пастановы Зьлёту. Наймае супрацоўнікаў ды займаецца выдавецкай дзейнасьцю.
• Кантрольна-рэвізійная камісія. Зьбіраецца штоквартал. Правярае грашовую справаздачнасьць.

Дзейнасьць

Паводле Статуту арганізацыя ажыцьцяўляе наступныя віды дзейнасьці:

• правядзеньне сэмінараў, нарадаў, спабораў, выставаў, канцэртаў і кірмашоў;
• выдавецкая дзейнасьць і прадпрымальніцтва;
• аздараўленьне дзяцей і падлеткаў ды разьмеркаваньне дабрачыннай дапамогі^[8].