Барысаглебская царква (манэта)

Памятная манэта «Барысаглебская царква» — беларускія юбілейныя манэты Нацыянальнага банку Беларусі ўведзеныя ў абарачэньне 20 ліпеня 1999 году. Манэты выбіта са срэбра — наміналам 20 рублёў і медна-нікелевая — 1 рубель.

Гэта артыкул пра памятную манэту. Калі вам патрэбны артыкул пра сакральную пабудову, глядзіце артыкул Царква Сьвятых Барыса й Глеба (Горадня).

Манэта "Барысаглебская царква", 20 рублёў, рэвэрс

Манэта "Барысаглебская царква", 20 рублёў, авэрс

Наміналы

Срэбраная

• проба срэбра: 925
• намінал: 20 рублёў
• вага манэты: 33.63 г
• вага чыстага срэбра: 31.1 г
• дыямэтар: 38.61 мм
• якасьць: «пруф»
• наклад: 2000 асобнікаў
• кошт продажу ў НББ — 122 500 руб. бяз футляру

Медна-нікелевая

• намінал: 1 рубель
• вага манэты: 13.16 г
• дыямэтар: 32 мм
• якасьць: «пруф-лайк»
• наклад: 2000 асобнікаў
• кошт продажу ў НББ — 5 420 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: у коле, з геамэтрычным арнамэнтам, — выява дзяржаўнага гербу Беларусі, долу зьмешчаны год біцьця, для срэбра — чыстая вага каштоўнага мэталю і проба; па колу — надпісы: з гары — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.
• Рэвэрс: па цэнтру — выява Барысаглебскай царквы; зьлева долу выява ў выглядзе старажытнай пячаткі з датаю: XII; з гары — надпіс у тры радкі: «ПОМНІКІ АРХІТЭКТУРЫ БЕЛАРУСІ»; долу надпіс: «БАРЫСАГЛЕБСКАЯ ЦАРКВА ГРОДНА».

Дызайн

• Тацьцяна Радзівілка

Мынца

• АТ «Мынца Польская» (Варшава).

Вонкавыя спасылкі

• Нацыянальны банк Рэспублікі Беларусі