Барыс Беразоўскі

Барыс Абрамавіч Беразоўскі (нарадзіўся 23 студзеня 1946, Масква, Расея — 23 сакавіка 2013, Аскот, Вялікабрытанія) — расейскі прадпрымальнік і палітычны дзяяч, навуковец-матэматык, уваходзіў у найбліжэйшае асяродзьдзе Барыса Ельцына, палітычны апанэнт Уладзімера Пуціна.

Барыс Беразоўскі
па-расейску: Борис Абрамович Березовский
пасол Дзяржаўнай думы Расеі
18 студзеня 2000 — 7 сьнежня 2003
19 сьнежня 1999 году — 19 ліпеня 2000 году
Асабістыя зьвесткі
Нарадзіўся	23 студзеня 1946(1946-01-23)[1][2] Масква, СССР[3]
Памёр	23 сакавіка 2013(2013-03-23)[1][2] (67 гадоў) Аскот[d], Sunninghill and Ascot[d], Віндзар і Мэйдэнхэд[d], Бэркшыр, Паўднёва-Ўсходняя Ангельшчына[d], Ангельшчына, Вялікабрытанія[3]
Партыя	Камуністычная партыя Савецкага Саюзу Liberal Russia[d]
Адукацыя	Маскоўскі дзяржаўны ўнівэрсытэт[d] Маскоўскі дзяржаўны ўнівэрсытэт лесу[d] Мэханіка-матэматычны факультэт МДУ[d] ІПК РАН[d] асьпірантура
Дзеці	Лізавета Беразоўская[d]
Бацька	Абрам Маркавіч Беразоўскі
Узнагароды

З 20 верасьня 2001 году знаходзіўся ў вышуку ў Расеі па абвінавачваньні ў махлярстве, адмываньні грошай, спробе гвалтоўнага захопу ўлады. У апошнія гады жыцьця пражываў ў Вялікабрытаніі ў якасьці палітычнага ўцекача. З 2003 году меў брытанскі дакумэнт (Travel document) на імя Платона Яленіна (па-расейску: Платон Еленин)^[4]. Зьяўляўся грамадзянінам Расейскай Фэдэрацыі. У 1996 годзе адмовіўся ад грамадзянства Ізраілю^[5].

У 1997 годзе часопіс Forbes ацэньваў яго стан у 3 млрд даляраў. Напрыканцы жыцьця фінансавае становішча Беразоўскага значна пагоршылася. Ён накапіў значныя пазыкі, яму давялося звольніць памочнікаў, амаль усю ахову і выставіць на продаж некалькі дамоў, якія яму належалі.