Батанічны помнік прыроды

Батанічныя помнікі прыроды — аб’екты расьліннасьці і флёры, якія маюць навуковую, культурна-пазнавальную, гістарычную, эстэтычную каштоўнасьць і ахоўваюцца дзяржавай.

На Беларусі каля 180 батанічных помнікаў прыроды рэспубліканскага значэньня:

• старадаўнія паркі:
  • Бальценіцкі парк
  • Вердаміцкі парк
  • Вялікамажэйкаўскі (Шчучынскі раён)
  • Гомельскі палацава-паркавы ансамбль
  • Замкавы парк (Мір)
  • Палацава-замкавы комплекс у Нясьвіжы
  • Палац Радзівілаў (Радзівілімонты) (Клецкі раён) і інш.;
• каштоўныя ўчасткі лесу:
  • Барысаўскае лесанасаджэньне
  • Барэцкая дуброва (Івацэвіцкі раён)
  • Вепрынская дуброва (Чэрыкаўскі раён)
  • Шолкавіцкая дуброва (Чарнейкаўская; Рэчыцкі раён) і інш.;
• насаджэньні інтрадукаваных дрэў і кустоў:
  • Вінклераўскі хвойнік (Нясьвіскі раён)
  • Ліноўскі хвойнік (Пружанскі раён)
  • Моўчадзкае насаджэньне лістоўніцы эўрапейскай (Баранавіцкі раён) і інш.;
• расьлінныя згуртаваньні на межах арэалаў, у месцах, аддаленых ад асноўнай вобласьці свайго пашырэньня:
  • Бёрдаўскае лесанасаджэньне (Клічаўскі раён),
  • Добрускія ельнікі
  • Маларыцкія ельнікі і інш.,
• расьлінныя згуртаваньні з рэдкімі, рэліктавымі і тымі, якія зьнікаюць, відамі расьлінаў:
  • Вятчынскае месца росту рададэндрану жоўтага (Жыткавіцкі раён),
  • Восаўскае насаджэньне карэльскай бярозы
  • Церабескае насаджэньне карэльскай бярозы (Івацэвіцкі раён) і інш.;
• дрэвы мясцовых парод (асабліва вылучаюцца ўзростам, памерамі, прыгажосьцю ці зьвязаныя з гістарычнымі падзеямі) і ўнікальныя дрэвы-інтрадуцэнты (больш за 50).

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 2: Аршыца — Беларусцы. — 480 с. — ISBN 985-11-0061-7