Белагруды мядзьведзь

Белагруды мядзьведзь, таксама Гімалайскі або Чорны мядзьведзь (Ursus thibetanus) — сысун атрада драпежных. Белагрудага мядзьведзя некаторыя дасьледчыкі вылучаюць у асобны род Selenarctos, «месяцовы мядзьведзь».

Белагруды мядзьведзь
Белагруды (Гімалайскі) мядзведзь
Клясыфікацыя
Царства	Жывёлы
Падцарства	Эўмэтазоі
Тып	Хордавыя
Падтып	Хрыбетныя
Надкляса	Чатырохногія
Кляса	Сысуны
Падкляса	Зьвяры
Надатрад	Placentalia
Атрад	Драпежныя
Падатрад	Сабакападобныя
Сямейства	Мядзьведзевыя
Род	Ursus
Від	Белагруды мядзьведзь
Бінамінальная намэнклятура
Ursus thibetanus
Белагруды мядзьведзь на Віківідах  Белагруды мядзьведзь у Вікісховішчы ITIS 621850 ·

Зьнешні выгляд

Белагруды мядзьведзь па велічыні амаль удвая меншы за бурага і адрозьніваецца ад яго больш стройным целаскладам, тонкай востраносай пысай, вялікімі акруглыя вушамі; пярэднія лапы мацнейшыя заднія. Самцы гэтага віду 150—170 см даўжынёй, вышыня ў карку каля 80 см, важаць 120—140 кг. Саміцы прыкметна драбнейшыя.

Поўсьць кароткая, бліскучая, шаўкавістая; звычайна чорная, але сустракаюцца асобіны бураватага або рудога колеру. На грудзях заўсёды ёсьць белая, часам з жаўтаватым адценьнем пляма ў форме літары V; яна нагадвае паўмесяц, і менавіта з-за яго Гімалайскага мядзьведзя называюць «месяцовым».