Беларуская партыя працы

Беларуская партыя працы — палітычная партыя ў Беларусі, якая знаходзілася ў апазыцыі да прэзыдэнта Аляксандра Лукашэнкі. Лідэрам партыі быў Аляксандар Бухвостаў.

Беларуская партыя працы
Лідэр партыі	Аляксандар Бухвостаў
Дата заснаваньня	1993
Распушчаная	2004
Штаб-кватэра	Менск
Саюзьнікі і блёкі	«Народная кааліцыя 5+», БНФ, АГП
Ідэалёгія	сацыял-дэмакратычная, апазыцыйная
Колькасьць	1077 (2002)

Мэты

Пабудова ў Рэспубліцы Беларусь дэмакратычнага грамадзянскага грамадзтва і стварэньне прававой дзяржавы на прынцыпах духоўнай, палітычнай і эканамічнай волі чалавека, дабрабыту, маральнасьці, сацыяльнай справядлівасьці і згоды грамадзян.

Гісторыя

Беларуская партыя працы была заснаваная на ўстаноўчым зьезьдзе 25 лістапада 1993.

На парлямэнцкіх выбарах у Беларусі 2004 году, 13—17 кастрычніка, партыя ўваходзіла ў «Народную кааліцыю 5+», якая не атрымала месцаў у парлямэнце.

2 жніўня 2004 Вярхоўны суд ліквідаваў Беларускую партыю працы.^[1]

У 2009 годзе на аснове ліквідаванай партыі была створана Беларуская партыя працоўных.