Берасьцейскі абласны тэатар лялек

Берасьцейскі абласны тэатар лялек — лялечны тэатар у Берасьці, які зьявіўся ў 1963 року. На час рэканструкцыі асноўнага будынку разьмяшчаецца па адрасе Партызанскі праспэкт, 15^[2].

Берасьцейскі абласны тэатар лялек
Месцазнаходжаньне	Берасьце, прасп. Партызанскі, 15
Дырэктар	Тамара Паўлюковіч[1]
Мастацкі кіраўнік	Міхаіл Шавель[1]
Рэжысэр-пастаноўшчык	Аліса Ярмак
Сайт	www.puppet-brest.by

Мінуўшчына

Датай пачатку існаваньня тэатру лічыцца 1963 рок, калі пры Берасьцейскім абласным драматычным тэатры імя ЛКСМБ паўстала трупа лялечнікаў пад кіраўніцтвам заслужанага дзеяча культуры БССР Леаніда Ваўчэцкага і заслужанай артысткі БССР Аляксандры Асторынай.

У 1964 року калектыў узначаліў рэжысэр Аляксандар Сярогін. У 1968 група пераўтвораная ў самастойны тэатар лялек, які дэбютаваў спэктаклем «Салдат Даніла» («Птушынае малако») Алены Тудароўскай(ru) і Будзіміра Мятальнікава(ru).

У 2007 року тэатру прысвоенае званьне «Заслужаны калектыў Рэспублікі Беларусь»^[3].

У чэрвені 2010 року пачалася рэканструкцыя будынку тэатру па вуліцы Леніна, 56^[4][5]. На кастрычнік 2016 року рэканструкцыя не завершаная.

Тэатар зьяўляецца адным з заснавальнікаў Міжнароднага фэстывалю тэатраў драмы і лялек «Белая вежа»^[6]. У будынку тэатру разьмяшчаецца таксама штаб-кватэра Беларускага цэнтру УНІМА(fr)^[7].